Aýa raıy
Astana 27 °S
Almaty 25 °S
valıýta baǵamy
USD 386.82
EUR 428.67
RUB 5.86
CNY 54.95

Teris qylyq jasaýǵa oqtalǵandardy jazaǵa tartý qarastyrylady

2019 jyldyń 23 mamyr 2019 17:18 1649

NUR-SULTAN. QazAqparat - Búgin Ádilet mınıstrliginde Zań jobalaý qyzmeti máseleleri jónindegi vedomstvoaralyq komıssııanyń otyrysy ótti. Onda QR Bas prokýrorynyń orynbasary Bolat Dembaev qylmystyq zańnamany jetildirý aıasynda engizilgen jańalyqtar týraly aıtyp berdi, dep habarlaıdy QazAqparat tilshisi.

Atap aıtqanda, jıynda «Qazaqstan Respýblıkasynyń keıbir zańnamalyq aktilerine qylmystyq jáne qylmystyq-protsestik zańnamany jetildirý máseleleri boıynsha ózgerister men tolyqtyrýlar engizý» týraly zań jobasynyń tujyrymdamasy qaraldy.

Qujat aıasynda teris qylyq jasaýǵa qamdaný jáne qylmystyń jeńil túrine jaýapkershilik engizý eskerilgen.

«2015 jyldan beri bizde jańa Qylmystyq kodeks kúshine engen jáne onda teris qylyq jasaýǵa oqtalýǵa jaýapkershilik qarastyrylmaǵan edi. Máselen, ómirde usaq jymqyrý áreketteri jıi kezdesedi. Ásirese, saýda ortalyqtarynda belgili bir zattyń qunyn tólemeı alyp ótpek bolǵandar kassada anyqtalyp jatady. Bul rette urlyq dep aıyptaýǵa kelmeıdi, sebebi ol dúkennen shyǵa beriste ustalǵandyqtan, jymqyrǵan múlikti paıdalaný múmkindigine ıe emes. Sondyqtan osyndaı áreketter úshin ustalǵandardy usaq jymqyrý tártibimen jazalaý múmkin bolmady. Bul óz kezeginde saýda oryndary ıeleriniń narazylyǵyn týdyryp keldi. Osyndaı áreketterimen 10-15 ret ustalǵandar da kezdesedi», - dep túsindirdi Bolat Dembaev.

Bul turǵyda teris qylyq jasaýǵa oqtalý áreketine jaýapkershilikti engizý usynysy eskerildi. ıAǵnı ákimshilik jaza aıasynda qomaqty somada aıyppul salynady.

«Osy zańbuzýshylyqtar úshin jaýapqa tartylady, alaıda bizde teris qylyq úshin jazalaý qandaı da bir saldardy týyndatpaıdy», - dedi Bas prokýrorynyń orynbasary.

Sonymen qatar zań jobasy tujyrymdamasynda adamdy urlaý jáne adam bostandyǵyn zańsyz shekteý úshin jaýapkershilikti kúsheıtý qarastyrylyp otyr.

«Bul baǵytta tıisti ózgerister engizilip, jaýapkershilikti kúsheıttik. Qylmystyq kodeks halyqaralyq quqyq normalaryna sáıkes bolý kerek. Osy oraıda tıisti konventsııalarǵa qosylǵandyqtan, olardy oryndaý mindeti bar», - dedi B. Dembaev.

 

 

 

Joǵary qaraı