Aýa raıy
Astana -2 °S
Almaty 0 °S
valıýta baǵamy
USD 389.75
EUR 434.26
RUB 6.12
CNY 55.05

Tennıs: Ulybrıtanııa - Qazaqstan matchynda Pýtıntseva tarazy basyn teńestirdi

2019 jyldyń 21 sáýir 2019 01:11

NUR-SULTAN. QazAqparat - Londonda ótip jatqan Ulybrıtanııa men Qazaqstan matchynda ıÝlııa Pýtıntseva tarazy basyn teńestirdi, dep habarlaıdy QazAqparat tilshisi.

Federatsııa kýbogy ІІ Álemdik tobynyń pleı-off kezeńinde qos quramanyń ár kezdesýi mańyzdy edi. Onyń ústine betashar básekede Zarına Dııas Ulybrıtanııanyń birinshi, álemniń 46-raketkasy Iohanta Kontaǵa ese jibergen edi.

Sondyqtan Qazaqstannyń birinshi, álemniń 38-raketkasy ıÝlııa Pýtıntseva reıtıngte 86-oryndaǵy Keıtı Býlterden qalaıda qarymta qaıtarýy kerek bolatyn.

Birinshi sette esep 3:3 bolǵan mezette K.Býlter breık jasap, alǵa shyqty. Aqyry ol muny taǵy bir breıkpen túıindedi - 6:3.

Ekinshi partııada oıyn tizginin qolyna alǵan ıÝ.Pýtıntseva úsh márte breık jasady. Qarsylasy buǵan bir breıkpen jaýap berdi. Esep - 6:2, qazaqstandyq tennısshiniń paıdasynda.

Úshinshi, sheshýshi sette ulybrıtanııalyq tennısshi qos breıkpen esepti 4:0-ge jetkizdi. Budan keıin Pýtıntsevada úmit az edi. Degenmen qazaqstandyq sportshy birte-birte tarazy basyn ózine aýdardy. Aqyry tartysty set taı-breıkke ulasty. Munda ıÝlııa 8:6 esebimen jeńiske jetti. Kezdesý barysynda K.Býlter úsh birdeı matchboldy paıdalana almady.

Asa tartysty báseke 2 saǵat 32 mınýtqa sozyldy.

Osylaısha Ulybrıtanııa - Qazaqstan matchynda esep teńesti - 1:1.

Jeksenbi kúni ıÝ.Pýtıntseva men I.Konta, Z.Dııas pen K.Býlter kortqa shyǵady. Juptyq synda Galına Voskoboeva men Anna Danılına ulybrıtanııalyqtar Hezer Ýotson men Herrıet Dartpen sheberlik baıqasady. Ózgerister bolýy da yqtımal.

Eske sala keteıik, budan buryn Zarına Dııastyń el namysyn qorǵaýdy baqyt sanaıtynyn jáne Ulybrıtanııa - Qazaqstan matchyn bastaıtynyn jáne kort ıeleriniń alǵa shyqqanyn jazǵan bolatynbyz.

Avtor Eljan Eraly
Basty sózder: Qoǵam, Sport,
Joǵary qaraı