Awa rayı
Nur-Sultan 16 °S
Almatı 16 °S
valyuta bağamı
USD 379.59
EUR 429.43
RUB 5.91
CNY 56.58

Tennïs: Pwtïnceva Mayamï twrnïrіnіñ törtіnşі aynalımına şıqtı

2019 jıldıñ 25 nawrız 2019 02:02 795

NUR-SULTAN. QazAqparat  - Qazaqstannıñ bіrіnşі, älemnіñ 44-raketkası Yulïya Pwtïnceva Mayamï twrnïrіnіñ törtіnşі aynalımına şıqtı, dep xabarlaydı QazAqparat tіlşіsі.

Qazaqstandıq tennïsşі üşіnşі aynalımda älemnіñ 12-raketkası, latvïyalıq Anastasïya Sevastovamen kezdestі. Bіrіnşі settі latvïyalıq sportşı 6:1 esebіmen uttı. Sodan keyіn Yu.Pwtïnceva 6:2, 6:3 esebіmen ese qayıra bіldі. Tartıstı matç ekі sağatqa jwıq waqıtqa sozıldı.

Yu.Pwtïnceva şïrek fïnalğa şığw üşіn älemnіñ 7-raketkası, çexïyalıq Karolïna Plïşkova nemese dünïejüzіlіk reytïngte 53-satıdağı francïyalıq Alïze Kornenіñ bіrewіmen şeberlіk bayqasadı. 

Eske sala keteyіk, budan burın Yu.Pwtïncevanıñ jülde qorı 9 mln AQŞ dollarınan asatın Mayamï twrnïrіnіñ üşіnşі aynalımına şıqqanın jazğan bolatınbız. Erler arasındağı osı jarısta tağı bіr qazaqstandıq Aleksandr Bwblïk ekіnşі aynalımğa deyіn jetіp, onda älemnіñ 33-raketkası, awstralïyalıq Nïk Kïrostan utılıp qaldı.

 

 

 

 

 

Avtor: Eljan Eralı
Bastı sözder: Sport,
Joğarı qaray