Aýa raıy
Astana -6 °S
Almaty -2 °S
valıýta baǵamy
USD 389.34
EUR 428.78
RUB 6.05
CNY 55.45

Tennıs: Býblık «Kreml kýbogynyń» alǵashqy aınalymynan asa almady

2019 jyldyń 15 qazan 2019 23:22

NUR-SULTAN. QazAqparat – Qazaqstannyń birinshi, álemniń 48-raketkasy Aleksandr Býblık Máskeýdegi «Kreml kýbogy» ATP týrnıriniń ekinshi aınalymyna shyǵa almady, dep habarlaıdy QazAqparat tilshisi.

A.Býblık bastapqy kezdesýin osy jarystyń altynshy, álemniń 31-raketkasy, reseılik Andreı Rýblevpen ótkizdi.

Bulardyń ekeýi de – 1997 jylǵy jastar, burynǵy otandastar bolǵandyqtan, bir-biriniń syryn jaqsy biledi dep aıtýǵa bolady.

Birinshi partııada eki márte breık jasaǵan kort ıesi aıqyn basymdylyqpen jeńiske jetti – 6:1.

Ekinshi sette esesine A.Býblık 5:0 esebimen alǵa ketti. Budan keıin qarsylasy esepti qysqartqanymen, qazaqstandyq tennısshi basymdylyqty ýysynan shyǵarǵan joq – 6:3.

Úshinshi partııada esep 2:2 bolǵan mezette A.Býblık breıkpen alǵa shyqqanymen, qarsylasy qaıyra breık jasady – 3:3. Esep 4:5 bolǵanda, qazaqstandyq tennısshi qatelikke boı aldyryp, Rýblevtiń ekinshi matchbolyn paıdalanýyna múmkindik berip qoıdy – 4:6.

Báseke 1 saǵat 33 mınýtqa sozyldy.

A.Rýblev shırek fınalǵa shyǵý úshin álemniń 89-raketkasy, ıtalııalyq Tomas Fabbıano nemese reıtıngte 98-satydaǵy Belarýs eliniń ókili Egor Gerasımovtiń bireýimen talasady.

Eske sala keteıik, budan buryn M.Kýkýshkınniń «Kreml kýbogyn» jeńispen bastaǵanyn, E.Rybakınanyń Lıýksembýrg týrnıriniń ekinshi aınalymyna shyqqanyn, al ıÝ.Pýtıntsevanyń Máskeýde utylyp qalǵanyn jazǵan bolatynbyz.

Avtor Eljan Eraly
Basty sózder: Sport,
Joǵary qaraı