Aýa raıy
Astana 5 °S
Almaty 6 °S
valıýta baǵamy
USD 389.98
EUR 434.01
RUB 6.10
CNY 55.04

Temirtaýlyq órt sóndirýshiler órt qaýipsizdigin eskertýdiń jańa ádisterin qoldanýda

2019 jyldyń 23 aqpan 2019 03:23

QARAǴANDY. QazAqparat - Temirtaýlyq órt sóndirýshiler órt qaýipsizdigin eskertýdiń jańa tásilin tapty. Endi olar órt qaýipsizdigi erejesi jazylǵan paraqshalardy pıtstsamen birge taratýdy kózdep otyr. Bul týraly Qaraǵandy oblysynyń Tótenshe jaǵdaılar departamentinen habarlandy.

Departamenttiń baspasóz qyzmetiniń habarlaýynsha, qutqarýshylardyń basty mindeti - adam ómiri men olardyń múlkin aman alyp qalý. Osy baǵytta qutqarýshylar úshin halyqqa órt qaýipsizdigi erejelerin jetkizý mańyzdy, sebebi órtti sóndirýden góri onyń aldyn alǵan áldeqaıda paıdaly.

Qaraǵandy oblysynyń TJD jáne onyń bólimsheleriniń qyzmetkerleri halyq arasynda órt qaýipsizdigi erejelerin túsindirý boıynsha profılaktıkalyq jumystardy jalǵastyrýda. Qutqarýshylar aýlalardy aralaý jáne taǵy da basqa aldyn alý is-sharalarynan bólek, turǵyndarǵa órt qaýipsizdigi erejelerin jetkizýdiń túrli tásilderin qoldanady.

Temirtaý qalasynyń TJ basqarmasy sýsyndar men qutydaǵy sýdyń iri óndirýshisiniń demeýimen tapsyrys berýshilerge órt qaýipsizdigi sharalary jaıynda jadynamalar taratý isin qıymdastyrdy.

Sonymen qatar, turmystyq gazdy gaz balondarymen tasymaldaýdy júzege asyrýshy «Temır Gaz» JShS-niń demeýimen ballondaǵy gazdy tutynýshylarǵa órt qaýipsizdigi sharalary týraly jadynamalarmen jetkizý jumystary uıymdastyryldy.

Osy ýaqytta «Oqjetpes» JShS-niń kómegimen kommýnaldyq qyzmet tólemderi týraly kvıtantsııalarymen qosa, páter jáne jekemenshik turǵyn úı ıelerine órt qaýipsizdik sharalary týraly jadynamalardy jetkizý jolǵa qoıylǵan.

Budan basqa, pıtstsa jetkizý boıynsha qyzmet kórsetetin uıymmen kelisimge qol jetkizildi. Endi Temirtaý turǵyndary pıtstsamen birge aldyn alý jadynamalary taratylady.

TJD órt qaýipsizdigi erejeleriniń qarapaıym talaptaryn saqtaý qajettigin eskertedi:


- oqshaýlamasy zaqymdalǵan nemese qorǵanysh qasıetterin joǵaltqan elektr symdary men kabelderin paıdalanbańyz;

- peshti ýaqytyly jóndep, tútin shyǵatyn qubyrdy kúıeden tazalańyz;

- aqaýsyz elektr quraldaryn qoldanyńyz;

- qoldan jasalǵan elektr jylytý quraldaryn qoldanbańyz;

- sirińke men tutandyrǵysh quraldardy balalardyń qoly jetpeıtin jerlerde saqtańyz;

- tek jaramdy gaz qurylǵylaryn paıdalanyńyz.

Joǵary qaraı