Aýa raıy
Astana 12 °S
Almaty 20 °S
valıýta baǵamy
USD 389.59
EUR 429.06
RUB 6.05
CNY 55.07

Tekserýden keıin 500-ge jýyq medıtsınalyq qyzmetker jumystan shettetildi

2019 jyldyń 23 mamyr 2019 08:29

NUR-SULTAN. QazAqparat - Densaýlyq saqtaý mınıstriniń tapsyrmasyna sáıkes Taýarlar men qyzmetterdiń sapasy men qaýipsizdigin baqylaý komıteti aýmaqtyq densaýlyq saqtaý basqarmalarymen birigip medıtsınalyq qyzmetkerlerde klınıkalyq praktıkaǵa jiberý úshin maman sertıfıkatynyń bar-joǵyna taldaý júrgizýde, dep habarlaıdy QazAqparat komıtet saıtyna silteme jasap.

Taldaý 616 medıtsınalyq uıymda júrgizilýde, onyń ishinde memlekettik - 544, jeke menshik - 72. Shymkent qalasy men Túrkistan, Qaraǵandy, Pavlodar, Jasbyl, Almaty, Atyraý oblystarynda júrgizilgen tekserý barysynda 484 medıtsınalyq qyzmetker sertıfıkaty bolmaǵandyqtan jumystan shettetildi. Osyǵan baılanysty medıtsınalyq qyzmetkerlerge 5 AEK jáne laýazymdy tulǵalarǵa 15 AEK aıyppul salý túrinde ákimshilik jaýapkershilikke tartylady.

«Klınıkalyq praktıkaǵa medıtsına qyzmetkerlerin maman sertıfıkatynsyz jiberý faktileri anyqtalǵan kezde ákimshilik-basqarýshylyq sharalary, atap aıtqanda - medıtsına qyzmetkerin klınıkalyq praktıkadan shettetý, medıtsına uıymdarynyń basshylary men personaldy basqarý qyzmetiniń ınspektorlaryn tártiptik jaýapkershilikke tartý qabyldanatyn bolady», delingen habarlamada.

Ótkizilgen is-sharalardyń nátıjesi boıynsha Shymkent qalasy men Túrkistan oblysynyń 18 medıtsınalyq uıymynda 117 medıtsınalyq qyzmetker sertıfıkatyń bolmaýyna baılanysty jumystan shettetildi. Shymkent qalasynda 5 jalǵan sertıfıkat anyqtaldy, olar boıynsha materıaldar quqyq qorǵaý organdaryna jiberildi.

Osyǵan uqsas buzýshylyqtar basqa aımaqtarda da anyqtalýda: Qaraǵandy oblysynda 92 medıtsınalyq qyzmetkerler sertıfıkatynyń joqtyǵynan jumystan shettetildi; Pavlodar oblysynda 142 medıtsına qyzmetkerleri shettetildi; Jambyl oblysynda 30; Almaty oblysynda 48; Atyraý oblysynda 55 medıtsına qyzmetkeri shettetildi.

Sondaı-aq, Qaraǵandy oblysynda 13 jalǵan sertıfıkat anyqtaldy, olar boıynsha materıaldar quqyq qorǵaý organdaryna jiberiletin bolady.

Budan basqa, joǵaryda atalǵan óńirlerdiń densaýlyq saqtaý basqarmalary tizimdegi medıtsınalyq uıymdardyń birinshi basshylaryn jazalaý boıynsha shara qabyldanýda.

Densaýlyq saqtaý júıesin tsıfrlandyrý aıasynda QR Densaýlyq saqtaý mınıstrligi densaýlyq saqtaý salasyndaǵy aqparattyq júıelerdi modıfıkatsııalaý boıynsha jumystar júrgizip jatqandyǵyn aıta ketý qajet.

Sonymen, 2019 jyldyń 1 tamyzynan bastap maman sertıfıkatynyń qoldanylý merzimi ótkennen keıin aqparattyq júıelerdegi medıtsınalyq qyzmetkerdiń jumys orny avtomatty túrde buǵattalady, bul ony jumystan avtomatty túrde shettetýdi bildiredi.

Joǵary qaraı