Aýa raıy
Astana 1 °S
Almaty 7 °S
valıýta baǵamy
USD 388.70
EUR 428.70
RUB 6.08
CNY 55.46

Tarazdyq polıtseıler úsh aılyq reıdke shyqty

2019 jyldyń 17 qazan 2019 02:29

TARAZ. QazAqparat – Tarazda «Ýchaske» jedel aldyn alý sharasy ótkizilýde, dep habarlaıdy QazAqparat tilshisi.

Qaladaǵy jedel jaǵdaıdy turaqtandyrý, ýchaskelik polıtsııa ınspektorlarynyń halyq arasynda bedelin arttyrý, azamattardyń qaýipsizdigin qamtamasyz etý jáne qoǵamdyq tártipti saqtaý maqsatyna negizdelgen reıd aǵymdaǵy jyldyń 15 qyrkúıeginde bastalǵan. Bir aı ishinde tarazdyq ýchaskelik ınspektorlar 75800 páter men jeke úılerdi barlap, zańsyz jalǵa berilip kelgen 18 páterdi anyqtady. Sondaı-aq, ákimshilik jaýapkershilikke 3 myńnan astam adam tartyldy.

«Polıtsııada esepte turǵan 2800-den astam adam tekserilip, 237 adam ІІO-ǵa esepke alyndy. Tekserilgen 1510 azamattyq qarý ıeleriniń 34-i ákimshilik jaýapkershilikke tartyldy. Іs-shara barysynda ýchaskelik polıtsııa ınspektorlary 18 qylmys pen 14 quqyqbuzýshylyqty ashty», - dedi oblystyq Polıtsııa departamentiniń baspasóz qyzmetinen.

Aıta keteıik, «Ýchaske» jedel aldyn alý sharasy 10 jeltoqsanǵa deıin jalǵasady.

Joǵary qaraı