Aýa raıy
Astana 0 °S
Almaty 5 °S
valıýta baǵamy
USD 389.98
EUR 434.01
RUB 6.10
CNY 55.04

Tarazdyq oqýshylar mal baǵýǵa arnalǵan qurylǵyny jetildirip shyǵardy

2019 jyldyń 12 sáýir 2019 16:25

TARAZ. QazAqparat - Tarazdaǵy Nazarbaev Zııatkerlik mektebiniń 12-synyp oqýshylary Beknur Qalmahanbet pen Dáýren Tenelbaev Koreıanyń Lives'talk komandasy oılap tapqan qurylǵynyń jetildirilgen úlgisin usyndy, dep habarlaıdy QazAqparat tilshisi.

Aıta keteıik, buǵan deıin Ońtústik Koreıanyń Lives'talk komandasy janýarlardyń jaıylymdaǵy ornyn birneshe sekýnd ishinde anyqtaıtyn zamanaýı qurylǵy jasap shyǵarǵan bolatyn. Osylaısha, mamandar maldy izdeýge 5-6 saǵatqa jýyq ýaqyt jumsaıtyn qazaqstandyq fermerlerdiń máselesin sheshti. Alaıda qurylǵyny testileý kezinde onyń avtonomdy qyzmet etý merzimi tómen ekendigi anyqtalǵan. Al tarazdyq ónertapqyshtar GPS Tracker-di elektr energııasymen úzdiksiz qamtamasyz etýge múmkindik beretin jelilik generator qurastyrdy.

«Joba aıasynda balalar eki jylǵa jýyq eńbek etti. Birneshe jyldan keıin olardyń eńbegi otandyq fermerlerge úlken paıda ákeledi dep úmittenemin», - deıdi oqýshylardyń ǵylymı jetekshisi, fızıka pániniń muǵalimi Mırlan Jýsambaev.

Sondaı-aq, jaz aılarynda alǵyr oqýshylar Lives'talk komandasymen birge Qazaqstannyń ońtústik aımaqtaryndaǵy birneshe ferma aýmaǵynda qurylǵyny synaqtan ótkizýdi josparlap otyr.



null

«1 metrge deıingi dáldikpen onlaın monıtorıng júrgizý múmkindigi bar, janýar moınynan qarǵybaý sheshilgen jaǵdaıda ıesiniń smartfonyna SMS habarlama keledi. Zertteý nátıjeleri GPS Tracker-di aýyl sharýashylyǵynda ǵana emes, jabaıy janýarlardyń mıgratsııasyn zertteýde de paıdalanýǵa bolatynyn kórsetti», - deıdi jas ónertapqyshtar.

Ońtústik Koreıanyń startaperleri qazaqstandyq oqýshylardyń jańalyǵyna qyzyǵýshylyq tanytyp, ony júzege asyrýdaǵy shyǵyndardy óz moıyndaryna alýǵa daıyn ekenin jetkizdi.

Joǵary qaraı