Aýa raıy
Astana -7 °S
Almaty -2 °S
valıýta baǵamy
USD 388.81
EUR 429.01
RUB 6.08
CNY 55.49

Tarazdaǵy qos ýnıversıtet birigip, bir JOO-ǵa aınala ma

2019 jyldyń 7 qazan 2019 19:41

TARAZ. QazAqparat – Tarazdaǵy M.H.Dýlatı atyndaǵy Taraz memlekettik ýnıversıteti men ustazdar uıasy sanalǵan Taraz memlekettik pedogogıkalyq ýnıversıteti qosylady degen habar taraǵan bolatyn. QazAqparat tilshisi bul aqparattyń qanshalyqty ras ekenin surastyryp kórdi.

Atalmysh joǵarǵy oqý ordalarynyń basshylary osyndaı sheshim qabyldanǵanyn, degenmen ázirge Úkimettiń tıisti qaýlysy shyqpaǵanyn aıtty.

«Bilim jáne ǵylym mınıstrligi eki ýnıversıtetti qosý týraly sheshim qabyldady. Biraq Úkimettiń qaýlysy áli shyqqan joq. Elbasynyń tapsyrmasyna baılanysty ár aımaqta bir jetekshi joǵary oqý orny bolady. Biriktirýdiń negizinde materıaldyq-tehnıkalyq, oqý-zerthanalyq baza damıdy, ǵylymı potentsıal ósedi»,-deıdi M.H.Dýlatı atyndaǵy Taraz memlekettik ýnıversıtetiniń rektory Mahmetǵalı Sarybekov.

Sondaı-aq, TarMÝ rektory ýnıversıtet aımaqtaǵy bilim-ǵylymnyń, mádenıettiń, rýhanııattyń ortalyǵyna, memlekettik jastar saıasatynyń kóshbasshysyna aınalatynyn jetkizdi.

«Bilim jáne ǵylym mınıstrliginiń ókili Taraz pedagogıkalyq ýnıversıteti men M.H.Dýlatı atyndaǵy Taraz memlekettik ýnıversıteti birigedi dep aıtqan bolatyn. Biraq onyń tujyrymdamasy áli daıyndalyp, qol qoıylǵan joq. Resmı túrde buıryq shyqpady. Naqty qaýly bolsa, birigý úderisi júredi», - deıdi Taraz memlekettik ýnıversıteti rektorynyń kómekshisi Saıyn Qurban.

Joǵary qaraı