Aýa raıy
Astana 22 °S
Almaty 26 °S
valıýta baǵamy
USD 386.04
EUR 427.77
RUB 5.88
CNY 54.45

Tarazda sulýlyq salonyna kelgen áıeldiń 30 myń dollar, 2,5 mln teńgesin urlap ketken

2019 jyldyń 22 aqpan 2019 02:18 1478

TARAZ. QazAqparat - Tarazda 38 jastaǵy áıeldi tonap ketken ury ustaldy. Ol jábirlenýshiniń avtokóliginen 30 myń AQSh dollary, eki jarym mıllıon teńge jáne altyn buıymdaryn urlap ketken, dep habarlaıdy QazAqparat.

Oblystyq polıtsııa departamentiniń baspasóz qyzmeti bergen málimetke súıensek, oqıǵa kezinde jábirlenýshi sulýlyq salonynda bolǵan. Onyń shaǵymdanýymen jedel izdestirý sharalarynyń nátıjesinde polıtseıler uryny qolǵa túsirgen.

«Kúdikti 28 jastaǵy Taraz qalasynyń turǵyny bolyp shyqty. Buryn isti bolǵan. Onyń turyp jatqan páterin tekserý kezinde aıǵaq zattar tárkilendi. Tintý barysynda 10 myń AQSh dollary, shveıtsarlyq qymbat saǵat jáne jalpy quny 10 mıllıon teńge bolatyn altyn buıymdar tabyldy. Sonymen qatar, páter men kólik esikterin ashatyn birneshe qural-saımandary tárkilendi», - delingen baspasóz qyzmetiniń málimdemesinde.

Aıta ketý kerek, qazirgi tańda kúdikti kinásyn tolyq moıyndap, ýaqytsha ustaý ızolıatoryna qamaqqa alynǵan.

 

Joǵary qaraı