Aýa raıy
Astana -6 °S
Almaty 11 °S
valıýta baǵamy
USD 389.34
EUR 428.78
RUB 6.05
CNY 55.45

Tarazda órtengen úıdiń 80 turǵyny mektep-ınternatqa ornalastyryldy

2019 jyldyń 16 qazan 2019 23:08

TARAZ. QazAqparat – Tarazda shatyry órtengen kópqabatty úıdiń turǵyndary ýaqytsha mektep-ınternatqa ornalastyryldy, dep habarlaıdy QazAqparat tilshisi.

Janyp jatqan úıden evakýatsııalanǵan 80 adam, sonyń ishinde 20 bala «Zaǵıp jáne nashar kóretin balalarǵa arnalǵan «Bolashaq» arnaıy mektep-ınternatyna» jaıǵastyrylyp, ystyq tamaqpen qamtamasyz etilýde.




Buǵan deıin habarlaǵanymyzdaı, qalanyń 2-shi shaǵyn aýdanynda ornalasqan bes qabatty úıde órt búgin, saǵat 15.30 shamasynda shyqty. Alǵashqy órt sóndirýshiler jetken saǵat 15.34-te 100 sharshy metr aýmaqta úıdiń shatyry janyp jatqan edi. Jalynnyń taralýy 16.41-de toqtatylyp, 16.56-da tolyǵymen aýyzdyqtaldy.




«Órttiń sharpyǵan aýmaǵy 840 sharshy metrdi qurady. Páterlerge zaqym kelgen joq, adam shyǵyny, zardap shekkender joq. Jedel tekserý toby qurylyp, órttiń neden bolǵanyn anyqtaýda», - deıdi oblystyq Tótenshe jaǵdaılar departamenti bastyǵynyń orynbasary Talǵat Sabırov.




Kóppáterli úıdiń janynan qutqarýshylardyń jedel shtaby jasaqtaldy.

Turǵyn úı ǵımaraty osydan 40 jyl buryn boı kótergen. Onda 80 páter bar.

«Turǵyndar qaýipsiz, ýaqytsha baspanamen qamtyldy. Sebebi bul úı jaryqtan, gazdan barlyǵynan óshirilgen. Sýdyń qaı qabatqa deıin ótip ketkenin bilmeımiz. Elektr qurylǵylardyń qandaı jaǵdaıda ekeni belgisiz. Sonyń bárin zerttep bolǵasyn sheshim qabyldaımyz. Qalalyq máslıhattyń sessııasynda úıdiń shatyry men órtten bolǵan basqa da shyǵyndarǵa zań aıasynda tıisti qarajat qarastyrylady. Qalypqa keltirý jumystary erteńnen bastalady», - dedi Taraz qalasy ákiminiń orynbasary Beısenbek Janbosynov.

Tilsiz jaýdy sóndirýge TJD-niń jeke quramynan 46 adam jáne 9 órt sóndirý tehnıkasy jumyldyryldy.




Joǵary qaraı