Aýa raıy
Astana 1 °S
Almaty 7 °S
valıýta baǵamy
USD 388.70
EUR 428.70
RUB 6.08
CNY 55.46

Tarazda mas kúıinde avtobýs aıdaǵan júrgizýshi ustaldy

2019 jyldyń 18 qazan 2019 14:14

TARAZ. QazAqparat – Taraz qalasynda jolaýshylar mingen qoǵamdyq kólikti basqaryp kele jatqan mas júrgizýshi anyqtaldy, dep habarlaıdy QazAqparat.

17 qazan kúni tańǵy saǵat 8-de jambyldyq polıtseıler «Avtobýs» jedel aldyn alý is-sharasynyń sońǵy kúninde Vokzal mańy kóshesinde qoǵamdyq kóliktiń tehnıkalyq jaǵdaıynyń sáıkestigin tekserý úshin №40 marshrýttyq avtobýsty toqtatqan.

Júrgizýshimen sóılesken kezde polıtseıler múńkigen alkogoldiń ıisin sezedi. Aldymen aýrý tisinen ıis sezetinin aıtyp aqtalǵan azamat kóp uzamaı keshkisin eki syra ishkenin moıyndady. Bul týraly oblystyq polıtsııa departamentiniń baspasóz qyzmeti habarlady.

«Júrgizýshi medıtsınalyq kýálandyrýdan bas tartqan joq. Medıtsınalyq saraptama mas bolý dárejesin kórsetti. Júrgizýshige qatysty QR ÁQBtK 608-babynyń 1-bóligi boıynsha ákimshilik hattama toltyryldy. Endi ol úsh jylǵa kólik júrgizý quqyǵynan aıyrylýy múmkin»,-deıdi Taraz qalasy ІІB patrýl polıtsııasy batalony komandıriniń orynbasary, polıtsııa kapıtany Nurjan Kerebaev.

Keıin anyqtalǵandaı, er adam buǵan deıin 13 ret jol qozǵalysy erejesin buzǵany úshin ákimshilik jaýapkershilikke tartylǵan. Sonymen qatar, jol-tehnıkalyq ınspektsııa bólimi atalǵan fakti boıynsha avtobýs tıesili zańdy tulǵaǵa qatysty tekserý júrgizdi.

Avtor Ǵıbrat Sembaı
Basty sózder: Jambyl oblysy, Oqıǵa, Zań,
Joǵary qaraı