Aýa raıy
Astana 5 °S
Almaty 12 °S
valıýta baǵamy
USD 389.81
EUR 430.27
RUB 6.06
CNY 54.91

Tarazda alǵash ret túrmede jatqan 4 sottalýshy ýnıversıtet bitirip, dıplom aldy

2019 jyldyń 20 sáýir 2019 17:28

TARAZ. QazAqparat - Tuńǵysh ret Tarazdaǵy túzeý mekemesinde jazasyn ótep jatqandar joǵary oqý ornyn támamdap, dıplomǵa qol jetkizdi, dep habarlaıdy QazAqparat tilshisi.

Bul pılottyq jobany uıymdastyrýǵa óńirdegi irgeli oqý ordasy M.H.Dýlatı atyndaǵy TarMÝ jáne Jambyl oblysy boıynsha QAJD JD-158/7 mekemesi uıytqy bolǵan. Joba boıynsha 4 birdeı sottalýshy «Kásibı damý jáne karera» ortalyǵynda qashyqtyqtan oqyǵan.

«Erekshe rejımdegi mekemeniń arnaıy bazasy laıyqty túrde jabdyqtalǵan. Azamattar zamanaýı tehnıka men jańashyldyqtardy meńgerý maqsatynda «Kólik, kólik tehnıkasy jáne tehnologııalary, mashınalar men mehanızmder teorııasy», «Qurylys materıaldary» mamandyqtaryn 3 aı oqyp, biliktiligin jetildirdi. Barlyq tólem sottalýshylardyń óz esebinen júrgizildi»,- deıdi mekemeniń tárbıe bóliminiń bastyǵy Sultan Ábenov.

Aıta keteıik, búginde oqshaýly orynda №15 kolledjiniń qyzmetkerleri úzdiksiz jumys isteýde. Olar 5 kásiptik mamandyq boıynsha 120-ǵa jýyq azamatty oqytyp jatyr. Sondaı-aq, keshki mektep 20 adamǵa mindetti bilim berýde. Oqýǵa nıettiler sany kún sanap artyp keledi eken. Aldaǵy ýaqytta da atalǵan joba júıeli júzege asady dep kútilýde.

Avtor Ǵıbrat Sembaı
Basty sózder: Jambyl oblysy, JOO-lar, Bilim,
Joǵary qaraı