Aýa raıy
Astana 10 °S
Almaty 14 °S
valıýta baǵamy
USD 389.62
EUR 429.98
RUB 6.06
CNY 55.08

Tapsyrys bolmaǵandyqtan oraldyq «Zenıt» zaýytynda jumysshylar qysqarýy múmkin

2019 jyldyń 21 mamyr 2019 21:14

ORAL. QazAqparat - Tapsyrys joqtyqtan oraldyq «Zenıt» zaýytynda jumysshylar qysqarýy múmkin. Bul týraly senatorlardyń BQO-ǵa jumys sapary kezinde «Oral «Zenıt» zaýyty» AQ bas dırektory Vıacheslav Valıev málim etti, dep habarlaıdy QazAqparat tilshisi.

Onyń aıtýynsha, Prezıdent tapsyrma berse de, qazirgi kezde zaýytqa memlekettik tapsyrys pen tıisti qarjy kólemi berilmeı otyr.

Jyl saıyn qarjy kólemi azaıyp kele jatqandyqtan, buǵan deıin 100 adam jumystan qysqartylǵan edi.

«Endi qarjy máselesi taıaý arada sheshilmese, boljam boıynsha taǵy da 200-deı adam jumysynan aıyrylýy múmkin. Bul otandyq keme jasaý kásipornynyń qyzmetine keri áserin tıgizetini anyq. Tipti turalap ta qalýy yqtımal. Kúni búgin zaýytta 800-deı adam eńbek etýde. Mamandardy jumyspen qamtamasyz etý úshin zaýytta quny 3 mlrd teńge turatyn, sý yǵystyrylymy 70 tonnalyq taǵy bir keme qurastyrylýda», dedi V.Valıev.



null

Іrgesi 1941 jyly qalanǵan kásiporyn elimiz táýelsizdik alǵannan beri keme jasaýǵa kóshti. Bıyl 30-shy, «Nur-Sultan» atty keme sýǵa túsirildi. Keme-katerlerdiń basym kópshiligi shekara qyzmeti úshin jasalǵan, elimizdiń teńiz shekarasynda qyzmet etýde.

«Biz ınfraqurylymdy jańartyp, jańadan korpýs saldyq. Jabdyqtar aldyq. Eń bastysy, mamandardy daıarladyq. On jyldaı ýaqyt boıy Sankt-Peterbýrg qalasyna ınjenerlerdi oqýǵa jiberip otyrdyq. Qazirgi tańda keme jasaýda ınjenerlik bilim alǵan 15-teı maman bar. Tek tapsyrystyń joqtyǵy tuıyqqa tirep tur. Jýyrda Prezıdent Qasym-Jomart Toqaevtyń óńirge sapary kezinde de memleket tarapynan kemelerge tapsyrys kólemin ulǵaıtý máselesin aıtqan edim», - deıdi Vıacheslav Valıev.

«Zenıt» zaýyty - mańyzdy strategııalyq kásiporyn, onda kóptegen adam jumys jasaıdy. Zaýyttyń tapsyrys alý máselesine qatysty depýtattyq saýal joldaımyz. Biz bul máselemen Premer-Mınıstrmen qatar tıisti mınıstrlikter men vedomstvolarǵa, sonyń ishinde jergilikti atqarýshy organdarǵa shyǵatyn bolamyz. Barǵan boıda «Zenıt» zaýytyndaǵy jaǵdaımen barlyq depýtattardy qulaqtandyryp, jumyspen qamtý máselesin qozǵaıtyn bolamyz», - dedi Senattyń áleýmettik-mádenı damý jáne ǵylym komıtetiniń tóraıymy Birǵanym Áıtimova.

Joǵary qaraı