Aýa raıy
Astana 6 °S
Almaty 4 °S
valıýta baǵamy
USD 389.98
EUR 434.01
RUB 6.10
CNY 55.04

Tallın qalasynyń meri Qyzylorda jurtshylyǵyna rızashylyǵyn bildirdi

2019 jyldyń 25 sáýir 2019 05:14

QYZYLORDA. QazAqparat - Estonııa astanasy - Tallın qalasynyń jaqynda saılanǵan meri Mıhaıl Kylvart Qyzylorda oblysy jurtshylyǵyna alǵysyn bildirgen jedelhat joldady, dep habarlaıdy QazAqparat tilshisi.

Esterińizge sala ketelik, Mıhaıl Kylvart bıylǵy 11 sáýirde Tallın qalasynyń meri bolyp saılanǵan edi. Osyǵan oraı Qyzylorda oblysynyń ákimi Qyrymbek Kósherbaev Syr jurtshylyǵy atynan quttyqtaý jedelhatyn joldaǵan edi. Óz kezeginde Mıhaıl Kylvarttyń atynan oblys ákimine jedelhat kelip tústi. Onda aımaq basshysy men jerlesterine izgi tilekteri úshin rızashylyǵyn bildirgen.

Aıta keterligi, ol qala basshysy qyzmetine jalǵyz úmitker bolǵan edi. Tallın qalasyndaǵy Tsentrıst partııasy usynǵan úmitkerge Tallın qalalyq jınalysynyń kezekten tys sessııasynda depýtattardyń basym bóligi senim bildirdi. Oǵan halyq qalaýlylary qatarynan 45 depýtat úmit artty.

Saılaýdyń negizgi talaby boıynsha mer ataǵyn alý úshin kem degende 40 daýys jınasa jetkilikti bolatyn.

Mıhaıl Kylvart 1977 jyldyń 24 qarashasynda Qyzylorda qalasynda dúnıege kelgen. Ómirbaıan derekterine súıensek, ol úsh jasynan bastap Tallın qalasynda ómir súrip keledi. 1999 jyldan bastap saıası salada túrli qyzmet atqaryp keledi. 2016 jyldan beri Tallın qalasynyń sport, mádenıet, ıntegratsııa jáne bilim jónindegi vıtse-meri qyzmetin atqarǵan.

Joǵary qaraı