Awa rayı
Nur-Sultan 11 °S
Almatı 15 °S
valyuta bağamı
USD 379.36
EUR 424.47
RUB 5.88
CNY 54.95

Taldıqorğanda Elbasınıñ bağdarlamalıq maqalası ayasında xalıqaralıq konferencïya bastaldı

2019 jıldıñ 22 säwіr 2019 11:38 1275

   TALDIQORĞAN. QazAqparat - Taldıqorğanda «Qazіrgі zamanğı qazaqstandıq Mädenïettі jahandıq älemge іlgerіletw» attı І Xalıqaralıq ğılımï-praktïkalıq konferencïya bastaldı. Şarağa Francïya, Armenïya, Qırğızstan, Polşa sındı memleketterden arnayı qonaqtar qatıswda, dep xabarlaydı QazAqparat tіlşіsі

Elbasınıñ «Bolaşaqqa bağdar: qoğamdıq sananı jañğırtw» bağdarlamalıq maqalası ayasında üş künge josparlanğan awqımdı şara Bïken Rïmova atındağı teatrda şımıldığın türdі.  Bul jerde Almatı oblısı äkіmіnіñ orınbasarı Läzzat Turlaşov jïnalğandardı tarïxï tağılımı tereñ şaranıñ bastalwımen quttıqtap,  jobanıñ mañızdılığına toqtaldı.

null 

null 

«Bügіngі awqımdı şara Mädenïet jäne sport mïnïstrlіgіnіñ qoldawımen «Rwxanï jañğırw» ortalıq jobalıq keñsesі Almatı oblısınıñ іşkі sayasat basqarmasımen bіrlesіp uyımdastırılwda. Konferencïya barısında Jahandıq älemdegі mädenï, körkem, ädebï, orındawşılıq önerdіñ üzdіk ülgіlerіn tanımal etwdіñ jäne ortalıq jäne jergіlіktі deñgeyde mädenï-demalıs salasın uyımdastırwdıñ negіzgі tendencïyaları men üzdіk älemdіk täjіrïbelerіn talqılaydı», -dedі  Läzzat Turlaşov. 

Konferencïyada xalıqaralıq spïkerler retіnde Sorbonn wnïversïtetіnіñ professorı, Xalıqaralıq ğılım jäne öner ïnstïtwtınıñ dïrektorı, «Plastik Art & Science» Sorbonn baspa bağdarlamasınıñ dïrektorı - Olga Ïgorevna Kïsseleva (Parïj q., Francïya); akter, Xalıqaralıq «HIGHFEST» orındawşılıq öner festïvalіnіñ Prezïdentі; Metropolïtan London wnïversïtetіnіñ professorı, doktorı; Erevan memlekettіk teatr jäne kïno ïnstïtwtınıñ "Art-menedjment jäne mädenï sayasat" kafedrasınıñ meñgerwşіsі; Erevan qalası, AR Mädenïet qayratkerі - Gwkasyan Artwr (Armenïya); Qazaqstan men Qırğızstandağı mädenïet jäne ıntımaqtastıq mäselelerі boyınşa Francïya Elşіlіgіnіñ keñesşіsі, 2015-2018 jj. Gïyom Kasperskïy (Francïya); Belorws memlekettіk mädenïet jäne öner wnïversïtetіnіñ Psïxologïya jäne pedagogïka kafedrasınıñ meñgerwşіsі, pedagogïka ğılımdarınıñ doktorı, Germanïyadağı MAGO bіlіm berwdі іzgіlendіrw xalıqaralıq akademïyasınıñ tolıq müşesі Ïrïna Aleksandrovna Malaxova (Belarws); dramatwrg, teatr sınşısı, «Thaetr - Dialogue» festïvalіnіñ Art - dïrektorı, «Nova Scena» kretïanvoy klasterіnіñ negіzіn qalawşı jäne dïrektorı Tomaş Kïrençwk (Polşa) jäne basqalar. Sonday-aq, qatıswşılar arasında Qazaqstannıñ qoğamdıq jäne ğılımï-zerttew uyımdarınıñ, şığarmaşılıq jäne ğılımï ïntellïgencïyanıñ ökіlderі, QR Prezïdentі Äkіmşіlіgіnіñ, mïnïstrlіkterdіñ, «Rwxanï jañğırw» ortalıq jäne aymaqtıq jobalaw keñselerіnіñ jawaptı qızmetkerlerі jäne t. b. şaqırıldı.

Konferencïyanıñ plenarlıq otırısınıñ moderatorı-tanımal telejürgіzwşі, jwrnalïst Aygül Mükey.

«Mädenï ïntegracïya jäne Mädenïet dïalogı qoğamnıñ turaqtı damw strategïyası retіnde,  Zamanawï mädenïettі qalıptastırwdağı jäne damıtwdağı memlekettіñ rölі, Jobalıq basqarw mädenïettі іlgerіletw faktorı retіnde, Mädenï wrbanïstïka - kreatïvtі-mädenï klasterler festïvalderі arqılı qalalardıñ jaña kelbetі,Ejelgі Bіlіm bolaşaq älemdіk mädenï keñіstіkke terrïtorïyanıñ ıqpaldaswınıñ vektorı retіnde. Osı taqırıptar talqılawğa usınıladı», - dedі uyımdastırwşılar.

Är elden kelgen qonaqtarğa qazaq xalqınıñ salt-dästürі nasïxattalwda. Şet eldіkter altıbaqan tewіp,asıq oynap, ulttıq ömіrіmіzben tanısıp jatır.

 

 

Joğarı qaray