Aýa raıy
Astana 9 °S
Almaty 15 °S
valıýta baǵamy
USD 389.52
EUR 429.21
RUB 6.07
CNY 54.94

Taldyqorǵanda búldirshinniń ekinshi qabattan qulaý sáti vıdeoǵa túsip qalǵan

2019 jyldyń 16 mamyr 2019 00:07

TALDYQORǴAN.QazAqparat - Áleýmettik jelide Taldyqorǵandaǵy shaǵyn ortalyqtyń ekinshi qabatynan kishkentaı balanyń qulaý oqıǵasynyń vıdeosy paıda boldy, dep habarlaıdy QazAqparat.

Beınebaqylaý kamerasyna jazylǵan kadrlarda oqıǵanyń qalaı bolǵany anyq kórinedi. Aq halat kıgen maman kishkentaı balany kóterip, terezeniń aldyna turǵyzady. Terezeniń janynda turǵan taǵy bir balany terezege shyǵarady. Beınejazbada tárbıeshi syndy kóringen maman bir balanyń jambas tusynan urǵanǵa uqsaıdy. Osy sátte terezede turǵan ekinshi bala syrtqa qulap ketedi. Qazir jeli qoldanýshylary terezege aparǵan mamandy jazalaýdy talap etip, túrli pikirler jazýda.

Oqıǵa 15 mamyr kúni Taldyqorǵandaǵy «Qarlyǵash» shaǵyn ortalyǵynda bolǵan. Qazir osy faktige oraı sotaldy tergeý bastaldy. Іs QR QK 141 baby boıynsha júrgizilip jatyr. Al zardap shekkken eki jastaǵy búldirshin aýrýhananyń jansaqtaý bóliminde jatyr.

Osyǵan deıin Taldyqorǵanda shaǵyn ortalyqtyń ekinshi qabatynan kishkentaı balanyń qulap ketkendigin habarlaǵanbyz.

Avtor Samal Qabysheva
Basty sózder: Almaty oblysy, Oqıǵa,
Joǵary qaraı