Aýa raıy
Astana 10 °S
Almaty 20 °S
valıýta baǵamy
USD 389.59
EUR 429.06
RUB 6.05
CNY 55.07

Taldyqorǵanda boıjetkendi qaǵyp, izin jasyrǵan júrgizýshi ustaldy

2019 jyldyń 26 mamyr 2019 15:51

TALDYQORǴAN. QazAqparat - Taldyqorǵan qalasynyń polıtseıleri jaıaý júrginshi jolaǵynda boıjetkendi qaǵyp, qashyp qutylmaq bolǵan kólik júrgizýshisin qolǵa túsirdi. Oqıǵa qalanyń «Músheltoı» shaǵynaýdanynda mamyrdyń 25-nen 26-na qaraǵan túndi bolǵan, dep habarlaıdy QazAqparat tilshisi.

«Mazda-626» kóliginiń júrgizýshisi 26 jastaǵy qyzdy qaǵyp, oqıǵa ornynan temir tulparyn tastap tura bezgen. Al ártúrli jaraqat alǵan boıjetken aýrýhanaǵa jatqyzyldy. Jol-kólik oqıǵasy týraly aqparat áleýmettik jelilerde jyldam tarap ketkendikten dabyl qaǵylyp, patrýldik toptar qalany dereý sholýǵa shyqty. Sanaýly saǵattarda jol erejesin buzýshy anyqtalyp, qalalyq polıtsııa basqarmasyna jetkizildi. Medıtsınalyq tekserý barysynda júrgizýshiniń orta deńgeıde mas bolǵany anyqtaldy. Almaty oblystyq polıtsııa departamenti baspasóz qyzmeti ókilderiniń málimetinshe qazir kólik júrgizýshisi ýaqytsha ustaý ızolıatoryna qamaldy. Jaıaý júrginshini qaǵý deregi boıynsha sot aldy tergeý amaldary bastalǵan. Al kólik qaqqan boıjetken dárigerlerdiń baqylaýynda.

Avtor Samal Qabysheva
Basty sózder: Oqıǵa, Kólik, Almaty oblysy,
Joǵary qaraı