Awa rayı
Astana 0 °S
Almatı -4 °S
valyuta bağamı
USD 377.62
EUR 426.03
RUB 5.67
CNY 55.78

Talanttı jastardıñ jolın aşwımız kerek - Elbası

2019 jıldıñ 23 qañtar 2019 13:09 1017

ASTANA. QazAqparat - Talanttı jastarımızdıñ jolın aşwımız kerek. Bul twralı bügіn «Täwelsіzdіk urpaqtarı» Jastar jılınıñ aşılwında Elbası Nursultan Nazarbaev ayttı, dep xabarlaydı QazAqparat tіlşіsі.

«Bügіngі älemge äygіlі іrі kompanïyalardıñ  negіzіn jas käsіpkerler qalağanın barlığıñız bіlesіzder. Mısalı Feysbwktі Mark Cwkerberg 19 jasında oylap taptı. Maykrasoftı Beyl Geyts 20 jasında, Aplle kompanïyasın Stïv Djobs 21 jasında qurdı. Bіzde de 13 jasında QBTW-dıñ 2 kwrsın oqıp jatqan balanı qazіr ğana tıñdadıq. Olardıñ barlığı aspannan salbırap tüsken joq. Talant degen de bar, onı jasırwğa bolmaydı. Bіraq Eynşteyn aytqanday, talantıñ 90 payızı eñbek», - dedі şara barısında Elbası. 

Memleket basşısı EKSPO nısandarınıñ bіrі startap-jobalardı äzіrlewmen aynalısatın jastarğa berіlgenіn atap öttі.

«Sol jerde Qazaqstannıñ 200 jası öz şarwaların jasap jatır. Men bayağıda arnayı bіr ülken ğïmarat salıp, bіrdeme jasap, onı arı qaray damıtamın degen balalardıñ barlığına mümkіnşіlіk jasaw kerek dep oylawşı edіm. Olardıñ oylap tapqan jobaların kommercïalïzacïyalawğa kömektesw kerek. Xalqımızda «aqıl jastan, asıl tastan» degen naqıl söz bar. Bіzdіñ jastarımızda munday qasïet bar ekenіn körіp otırmız. Mına zalğa barlıq talanttarımızdı jïnay almaymız, sïmaymız. Bіraq barlıq jastarımızğa jol aşw mañızdı», - dedі QR Prezïdentі.

Ayta keteyіk, Astanada «Täwelsіzdіktіñ urpaqtarı» atawımen Jastar jılınıñ aşılw saltanatı ötіp jatır.

Şarağa Ükіmet müşelerі, QR Parlamentі depwtattarı, jergіlіktі atqarwşı organ basşıları, QR Prezïdentі janındağı Jastar sayasatı keñesіnіñ müşelerі, «100 jaña esіm» bayqawınıñ jeñіmpazdarı, «Bolaşaq» bağdarlamasınıñ tülekterі, jas ğalımdar qatıswda. Sonımen qatar bul jïınğa şığarmaşılıq, stwdenttіk jäne jumısşı jastar ökіlderі, jas sportşılar, darındı balalar, zamanawï medïa salasınıñ ökіlderі, balalar üyіnіñ tärbïelenwşіlerі men tülekterі, jas äskerï qızmetşіler keldі.

Eske sala ketsek, QR Prezïdentі Nursultan Nazarbaev Qazaqstan xalqına ötken jılğı Joldawında 2019 jıldı Jastar jılı dep jarïyalawdı usınğan bolatın.

Prezïdent öz sözіnde jastardıñ barlıq sanatın qoldawğa arnalğan şaralardı tolıq qamtïtın älewmettіk satınıñ awqımdı platformasın qalıptastırw kerektіgіn aytqan bolatın Al, arada bіr aydan astam waqıt ötkende Elbası Jarlığımen 2019 jıl Jastar jılı dep jarïyalandı.  

 

 

 

Avtor: Marlan Jïembay
Bastı sözder: Jastar, Jastar jılı, Bіlіm, Ğılım,
Joğarı qaray