Aýa raıy
Astana 16 °S
Almaty 17 °S
valıýta baǵamy
USD 386.70
EUR 427.15
RUB 6.06
CNY 54.57

Taǵy bir qazaqstandyq Google kompanııasyna jumysqa turdy

2019 jyldyń 18 tamyz 2019 00:24

NUR-SULTAN. QazAqparat – Álemge áıgili Google kompanııasynda qyzmet isteý taǵy bir otandasymyzǵa buıyrdy. Bul joly Shyǵys Qazaqstan oblysynyń týmasy Jasan Baıpaqbaev atalǵan kompanııaǵa ınjener mamany bolyp turdy. Osy turǵyda QazAqparat tilshisi qyzmetine endi kirisken jerlesimizben tildesken bolatyn.

«Men ózim Shyǵys Qazaqstan oblysynyń Kúrshim aýdany, Qaratoǵaı aýylynda týyp óskem. Mektep bitirgen soń Almatydaǵy S. Demırel atyndaǵy ýnıversıtettiń «Aqparattyq júıeler» mamandyǵynda tústim. Ol jerden bakalavr dárejesin alyp shyǵyp, Qazaq-brıtan tehnıkalyq ýnıversıtetine dál sol mamandyq boıynsha magıstratýrada bilimimdi jalǵastyrdym.

Iá, Google sekildi áıgili kompanııaǵa jumysqa turý meniń mamandyǵym boıynsha oqyǵan árbir stýdenttiń armany deýge bolady. Jáne onda jumysqa ornalasý protsesi kópke málim. ıAǵnı aqparattyq tehnologııalar salasynyń mamandaryna ol erejemen etene tanys. Jalpy buǵan deıin AQSh-ta startap salasynda azdap eńbek etkem, sondyqtan da aqparattyq tehnologııa boıynsha tájirıbem bar dep aıtýǵa bolady. Google kompanııasyna ınjener mamany bolyp jumysqa turdym», - dedi Jasan Baıpaqbaev.

Onyń aıtýynsha, atalǵan kompanııaǵa jumysqa turǵan soń qyzmetkerdiń sol ortaǵa tez beıimdelýi úshin arnaıy dárister uıymdastyrylady.

«Dáriste kompanııanyń qurylý tarıhynan bastap, onda jumys isteý, qyzmetkerdiń maqsaty pen mindeti týraly, sol sııaqty ortaǵa tez sińip ketý jolyndaǵy paıdaly aqparattar beriledi. Men úshin ol dáristiń paıdasy kóp boldy», - dedi ol.

Sondaı-aq, otandasymyz Google kompanııasynda jumys isteýdi armandaıtyn jas órkenge óz keńesin aıtty.

«Kóbinese akademııalyq bilimge nazar aýdarǵan jón. Ǵylymǵa jaqyn bolý kerek. Sol sııaqty esep shyǵarý qabileti artyq etpeıdi. ıAǵnı algorıtm erejelerin tereń bilgen durys. Odan bólek, árıne praktıkadan ótý qajet, olsyz bolmaıdy. Іri kompanııada jumys isteýdiń taǵy bir artyqshylyǵy qyzmetkerge jaǵdaıdyń jasalýy. Sondyqtanda kóp jastar iri kompanııa, holdıngterde jumys isteýge umtylady. Jáne bul durys úrdis. Google-de basqasyn aıtpaǵannyń ózinde barlyq qyzmetkerler úsh mezgil aspen jáne qyzmettik kólikpen qamtamasyz etiledi», -deıdi ol.

Odan bólek, jerlesimiz bos ýaqytynda el-jer aralap kórgendi, al sporttan voleıbol jáne tennıspen áýestenetinin aıtyp ótti.


Avtor Álı Ibraev
Basty sózder: Jastar,
Joǵary qaraı