Aýa raıy
Astana 5 °S
Almaty 8 °S
valıýta baǵamy
USD 389.81
EUR 430.27
RUB 6.06
CNY 54.91

Syrqatqa shaldyqqan balalar Danelııa Tóleshovamen birge spektaklde oınaıdy

2019 jyldyń 19 mamyr 2019 00:17

ALMATY. QazAqparat - Almatyda onkologııalyq jáne gematologııalyq syrqattarmen aýyrǵan balalar qaıyrymdylyq mýzykalyq spektaklin qoıady, dep habarlaıdy QazAqparat.

«Mýzykanyń arǵy betinde» atty qaıyrymdylyq mýzykalyq ertegi spektakli kórermen nazaryna M.Áýezov atyndaǵy Qazaq memlekettik akademııalyq drama teatrynda usynylady. Balalarǵa qazaqstandyq jas ánshi Danelııa Tóleshova kómektesýde. Ol qoıylymdaǵy rólderdiń biri - ánshi qyz Jannany somdaıdy.

Mýzykalyq ertegi meıirimdilik pen qatygezdik jáne sıqyrly kiltter týraly. Basty róldegi keıipker qyz mýzyka álemimen, tanymal kompozıtorlarmen jáne ándi súıetin Janna esimdi qyzben tanysady. Olar bas keıipkerge Jalǵandyq mystanyn jeńýge kómektesedi.

Mýzykalyq súıemeldeýdi Jambyl atyndaǵy Qazaq memlekettik fılarmonııasynyń Memlekettik akademııalyq sımfonııalyq orkestri jasaıdy. Dırıjjer - Erbolat Ahmedıarov, erteginiń avtory jáne kompozıtory - ıÝlııa Lebedeva.

Spektakldiń qoıylymyn QR Aqparat jáne qoǵamdyq damý mınıstrliginiń, Mádenıet jáne sport mınıstrligi men Almaty qalasy ákimdiginiń qoldaýymen «Ulttyq-medıtsınalyq qoǵam» qoǵamdyq birlestigi uıymdastyrýda.

Uıymdastyrýshylardyń aıtýynsha, bıletterdiń satylymynan túsken qarajat onkologııalyq, gematologııalyq jáne ózge de aýyr syrqattardan em qabyldap jatqan balalarǵa beriletin bolady.

Bıletterdiń quny 1-4 myń teńge aralyǵynda. Olardy ticketon.kz saıtynan onlaın satyp alýǵa bolady. Ótetin ýaqyty 26 mamyr saǵat 15.00-de jáne 19.00-de.

Tolyq aqparatty www.music.nmo.kz saıtynan nemese 8 (727) 293-5222 telefon nomeri arqyly bilýge bolady.

Avtor Mıra Tólendiqyzy
Basty sózder: Aımaq, Almaty,
Joǵary qaraı