Awa rayı
Astana -4 °S
Almatı -1 °S
valyuta bağamı
USD 376.26
EUR 425.63
RUB 5.68
CNY 55.61

Stepnogorda önerkäsіp öndіrіsіnіñ kölemі arttı

2019 jıldıñ 22 qañtar 2019 11:15 471

KÖKŞETAW. QazAqparat - Aqmola oblısınıñ Öñіrlіk kommwnïkacïyalar qızmetіnde ötken brïfïngte Stepnogor qalasınıñ äkіmі Erkebulan Bayaxmetov şahardıñ älewmettіk-ekonomïkalıq damwınıñ 2018 jılğı qorıtındısı men bïılğı jıldağı josparları twralı aytıp berdі, dep xabarlaydı QazAqparat tіlşіsі.

Qala äkіmіnіñ aytwınşa, oblıs boyınşa önerkäsіp öndіrіsіnіñ 21,1 payızı Stepnogor qalasına tïesіlі. Qaladağı «Stepnogor EPK», «Qazaqaltın» TMK», «Stepnogor JEO», «Astana-nan Chemikals», «Qazaqatomönerkäsіp» KQZ», «Alfa Organïk» spïrt zawıtı» «Astana - Oyl» Munay üyі» tärіzdі käsіporındarda öndіrіs kölemі ulğayğan.

Sonımen qatar, qala mañındağı eldі mekenderde mal şarwaşılığı, onıñ іşіnde іrі qara men qus ösіrwde oñ körsetkіşter bayqaladı. Şağın jäne orta bïznes salasınan byudjetke 2,3 mïllïard teñge salıq tüstі. Bul 2017 jıldıñ körsetkіşіmen salıstırğanda 10,7 payızğa joğarı. Bölşek sawda aynalımı 27 mïllïard teñgenі quradı.

«2019 jılda byudjettіñ kіrіsі transfertterdі esepke alğanda 11.2 mïllïard teñgenіñ kölemіnde bolatını josparlanğan. Xalıqtı jumıspen qamtw jäne älewmettіk qorğaw bağıtında 732 turaqtı jäne 197 waqıtşa jumıs ornı aşıldı. 2104 adam jumısqa ornalastı. Tïіmdі jumıspen qamtw jäne jappay käsіpkerlіktі damıtw bağdarlaması şeñberіnde 745 adam memlekettіk kömek aldı. Bіlіm berw salasında kadrlarmen tolığw 100 payızğa jetіp, 26 jas maman jumıspen qamtıldı», deydі qala äkіmі.

Brïfïngte 2019 jılı barlıq mektepterde ІT sınıptar aşw josparlanıp otırğandığı aytıldı. Budan bölek Bestöbe kentіnde jekemenşіk balabaqşa jumısın bastaydı.

Al, medïcïna salasına keletіn bolsaq, qalalıq emxanağa jas mamandardı tartw üşіn 5 päter bölіndі. Medïcïnalıq joğarı oqw orındarında 8 stwdent bіlіm alwda, olardı keleşekte Stepnogor qalasına jumısqa ornalastırw josparda bar. Bıltırğı jılı «Nurlı jol» bağdarlaması şeñberіnde Şañtöbe kentіnde jılw qazandığı paydalanwğa berіldі. QR Ulttıq qordan berіlgen byudjettіk nesïe arqılı Aqsw jäne Zavodskoy kentterіnde swmen jabdıqtaw jüyesіn qalpına keltіrw jobası jüzege asırılwda. Sopkï-305 sw tazalaw nısanın qalpına keltіrw boyınşa joba jüzege asadı.

Sonımen qatar, qala äkіmі qalaіşіlіk köşeler men joldardı jöndew, jarıq şamdarın ornatw boyınşa jumıstar atqarılıp jatqanın atap öttі. Mäselen, qaladağı 4-şі jäne 6-şı şağınawdandardıñ awlaіşіlіk 38 mıñ şarşı metr joldarı jöndeldі. Stepnogor-Önerkäsіp aymağı aralığındağı 2,2 şaqırım avtokölіk jolı jöndelіp, Aqsw-Bestöbe-Ïzobïlnoe kentterі aralığındağı joldarğa jöndew jumıstarı jürgіzіlwde.

 



null 

Joğarı qaray