Awa rayı
Astana -11 °S
Almatı -25 °S
valyuta bağamı
USD 367.06
EUR 416.17
RUB 5.56
CNY 52.84

Sottar memorgan basşılarına ayıppul saladı - Jaqıp Asanov

2018 jıldıñ 11 qazan 2018 14:26 900

ASTANA. QazAqparat - QR Joğarğı sotı memlekettіk organdarğa qatıstı іsterdі qarawdıñ jaña ädіs-täsіlderіn äzіrledі. Sonıñ barlığı jaña zañ jobasına endі, dep xabarlaydı QazAqparat tіlşіsі.

Joğarğı sot törağası Jaqıp Asanovtıñ aytwınşa, damığan memleketterde memlekettіk organnıñ üstіne şağım tüsse, swdya arız berwşі azamatqa aşıq kömektesedі. Söytіp, ädіletke jetwge tırısadı. Al jawapqa tartılğan memlekettіk organ özіnіñ ustanımın qorğap şığwı tïіs.

«Bіzde olay emes. Swdya arız berwşіge aşıq kömektese almaydı. Sonda qarapayım adam tutas bіr memlekettіk organmen tartıswğa mäjbür boladı. Sosın şetelde memlekettіk organ sot şeşіmіn orındamasa, swdya ol vedomstvonıñ basşısına ayıppul saladı. Onday zañdar TMD-nıñ barlıq elderіnde bar. Bіraq Qazaqstanda joq», - dedі J.Asanov bügіn ïnvestïcïyalıq jäne kommercïyalıq dawlarğa arnalğan xalıqaralıq semïnarda. 

Bas swdyanıñ sözіne qarağanda, Äzerbayjan men Armenïyada onday zañ qabıldanğannan keyіn memlekettіk organdardıñ üstіnen tüsken arız-şağımdar kürt östі. Bіr-ekі jılda atalğan körsetkіş tömendedі. Degenmen, sonıñ nätïjesіnde memlekettіk organdar öz ustanımın özgerttі, іşkі tärtіbі küşeydі. Al, eñ bastısı, xalıqqa qızmet körsetw sapası jaqsardı.

«Osı іspettі zañ jobasın bіz de äzіrlep qoydıq. Qazіrgі kezde joba quzіrettі memlekettіk organdardıñ qarawına jіberіldі. Onı tezdetіp qabıldaw qajet», - dep atap körsettі J.Asanov.

Ayta keteyіk, bügіn Astanada ïnvestïcïyalıq jäne kommercïyalıq dawlardı şeşw mäselesіne arnalğan xalıqaralıq semïnar bastaldı. Otandıq jäne şeteldіk sarapşılar Ekonomïkalıq ıntımaqtastıq jäne damw uyımınıñ osı saladağı täjіrïbesіn zerdelep, onı Qazaqstanda engіzw jayın qarastırwda. Sol jerde QR Joğarğı sot törağası Jaqıp Asanov artıq jumıstı qısqartıp, sottarğa tek prokwratwra arqılı ğana jügіnwdі usındı.

 

 

Joğarı qaray