Aýa raıy
Astana 3 °S
Almaty 3 °S
valıýta baǵamy
USD 388.96
EUR 432.21
RUB 6.09
CNY 54.99

Soltústik Qazaqstanǵa qonys aýdarǵan otbasylar jańa baspanaǵa ıe boldy

2019 jyldyń 20 qyrkúıek 2019 07:09

PETROPAVL. QazAqparat – Soltústik Qazaqstan oblysyna ózge óńirlerden qonys aýdarǵan otbasylar jańa baspanalarǵa ıe boldy, dep habarlaıdy QazAqparat.

«Soltústik Qazaqstan oblysy — jumys kúshi kóp óńirlerden azamattardy kóshirip alý jobasyn júzege asyryp jatqan jalǵyz aımaq. Bunyń barlyǵy 3 jyldyq keshendi jospardyń arqasy. Qonys aýdarýshylarǵa jaldamaly baspana men jumys beriledi, jeke kásibin ashýǵa bolady», - dedi óńir ákimdiginen.




Oblys basshysy Qumar Aqsaqalov óńirge kóship kelip, baspanaǵa ıe bolǵan otbasylarmen kezdesti.

«Jumys kúshin oblysqa tartý boıynsha jumys júrgizilýde. Bizge dárigerler, muǵalimder, mehanızatorlar, júrgizýshiler, traktorshylar kerek. Jyl basynan beri 1600 adam nemese 518 otbasy keldi», — dedi Qumar Aqsaqalov.




Oblysta bıyl 420 úı salynýda. Kelesi jyly - 1 myń, 2021 jyly 1,5 myń úı boı kóteredi. Bıyl jyl sońyna deıin óńirge 2 myń adam nemese 700 otbasy kóship keletini josparlanǵan.





Joǵary qaraı