Aýa raıy
Astana 9 °S
Almaty 3 °S
valıýta baǵamy
USD 389.59
EUR 429.06
RUB 6.05
CNY 55.07

Soltústik Qazaqstanda polıtsııanyń birneshe basqarmasy qysqardy

2019 jyldyń 23 mamyr 2019 10:58

PETROPAVL. QazAqparat - Soltústik Qazaqstan oblystyq polıtsııa departamentinde shtattar ońtaılandyryldy, dep habarlaıdy QazAqparat tilshisi.

Polıtsııa vedomstvosynyń baspasóz qyzmeti málim etkendeı, 281 shtat qysqarǵan. Bul attestattan ótken quramnyń 10% quraıdy.

«Departament apparaty ońtaılandyrý aıasynda shtatty qysqartý kezinde barlyq basqarmalar men bólimderde orta býyn basshylaryn - bólim bastyqtaryn qysqartty. Olardyń oryndaryna atqarýshy qyzmeti engizildi. Uıymdasqan qylmysqa qarsy kúres basqarmasy krımınaldyq polıtsııa basqarmasymen, anyqtaý basqarmasy - tergeý basqarmasymen, jedel josparlaý basqarmasy - shtab jasaǵymen jáne arnaıy daıyndyq basqarmasymen qosylyp, ońtaılandyryldy», - dep túsindirdi baspasóz qyzmeti.

Jol-patrýldik polıtsııanyń oblystyq, qalalyq jáne 4 aımaqtyq bólimindegi 227 kishi basqarýshy quram orta basqarýshy quramǵa aýystyryldy.

Aldaǵy úsh jylda departamentte ishki ister organdaryndaǵy serjanttyq quramdy ofıtserlik sanatqa aýystyrý arqyly ońtaılandyrý josparlanyp otyr.

«Ońtaılandyrý úrdisi ishki ister organdary jumysynyń tıimdiligin arttyrýǵa baǵyttalǵan», - dep atap ótti kadr saıasaty basqarmasy bastyǵynyń orynbasary Rýslan Tasımov.


Avtory Olesıa Jýkoven

Joǵary qaraı