Aýa raıy
Astana 1 °S
Almaty 6 °S
valıýta baǵamy
USD 388.70
EUR 428.70
RUB 6.08
CNY 55.46

SQO-nyń qutqarý qyzmeti jańa zamanaýı tehnıkamen tolyqty

2019 jyldyń 17 qazan 2019 21:30

PETROPAVL. QazAqparat – Soltústik Qazaqstan oblysynda Qutqarýshylar kúnine oraı arnaıy tehnıkanyń kórmesi ótti, dep habarlaıdy QazAqparat tilshisi.

SQO ákimi baspasóz qyzmetiniń málimetinshe, bıyl óńirdiń Tótenshe jaǵdaılar departamentine bıýdjetten 640 mln teńge qarajat bólinip, jańa tehnıka alyndy. Mundaı qomaqty soma qutqarý qyzmetine araǵa biraz jyl salyp alǵash bólinip otyr. Jol talǵamaıtyn kólik, sýda súńgý jaraqtary, órtti sóndirýge jáne apattan qutqarýǵa arnalǵan tehnıka – munyń bári Qutqarýshylar kúnine oraı uıymdastyrylǵan kórmege qoıyldy. Іs-sharaǵa oblys ákimi Qumar Aqsaqalov ta qatysyp, qutqarýshylar men órt sóndirýshilerge arnalǵan jańa tehnıkanyń kórmesin aralady. Óńir basshysy jyldam áreket etý qyzmetterin merekemen quttyqtap, olardyń jumysyna oń baǵasyn berdi.

«Oblysta 700 myń gektar orman alqaby bar. Bizge bul baılyqty qorǵaý kerek. Kóktemgi tasqyn kezinde qutqarýshylar jyldam áreket etýleri tıis. Ol úshin jol talǵamaıtyn zamanaýı tehnıka kerek. Osy maqsatqa bıyl 9 tehnıka satyp aldyq. Sondaı-aq qutqarýshylarǵa qajet jabdyqtar alyndy. Jańa tehnıka tótenshe jaǵdaı kezinde shuǵyl qımyldaýǵa múmkindik bermek. Sońǵy eki jylda 10 órt sóndirý mashınasyn aldyq», - dedi Qumar Aqsaqalov.

Óńir basshysynyń aıtýynsha, jaqynda Petropavlda jańa órt sóndirý deposy salynbaq. Ol bolashaǵy zor - «Bereke» yqsham aýdanynda turǵyzylady. Bul qalanyń shetki aýdandarynda jyldam qımyldaýǵa múmkindik etpek.







Joǵary qaraı