Aýa raıy
Astana 25 °S
Almaty 27 °S
valıýta baǵamy
USD 385.42
EUR 424.58
RUB 6.00
CNY 54.31

SQO-nyń eki turǵyny 1 aı Arktıkada turyp, ekologııalyq ekspedıtsııaǵa qatysty

2019 jyldyń 16 tamyz 2019 16:24

PETROPAVL. QazAqparat – Soltústik Qazaqstan oblysynyń eki turǵyny Reseıdiń Vılkıtskıı aralynda bir aı turyp, «Jasyl Arktıka» atty halyqaralyq ekologııalyq ekspedıtsııaǵa qatysty, dep habarlaıdy QazAqparat tilshisi.

Kar teńizinde ornalasqan Vılkıtskıı araly – ıAmal-Nenets avtonomııalyq okrýginiń eń soltústigi bolyp esepteledi. Jazdyń ortasynda mundaǵy aýa temperatýrasy +15 pen - 1 gradýs aralyǵynda saqtalady. Kezinde áskerı baza men meteostansa ornalasqan araldyń ekologııasyna búginde myńdaǵan tonna temir qaldyqtary nuqsan keltirip jatyr.





Osy olqylyqtyń ornyn toltyrý maqsatynda birneshe jyl buryn Orys geografııalyq qoǵamy «Jasyl Arktıka» halyqaralyq ekologııalyq ekspedıtsııasyn uıymdastyrdy. Qazaqstan da ıgi isten shet qalmaı, eki jyl qatarynan araldy tazartýǵa óz úlesterin qosyp keledi.

11 shilde men 10-tamyz aralyǵynda ótken ekspedıtsııaǵa bıyl Qazaqstannan, Reseıden, Moldovadan jáne Izraılden 30 erikti qatysty. Elimizden barǵandardyń ekeýi de M.Qozybaev atyndaǵy Soltústik Qazaqstan memlekettik ýnıversıtetiniń stýdenti.





«2017 jylǵa deıin Beloe araly qoqystan tazartyldy. Endi tazartý jumystary Vılkıtskıı aralynda júrip jatyr. Qazir bul aralda eshkim turmaıdy. Biz shashylǵan temir qaldyqtaryn, 200 lıtrlik bóshkelerdi jınap bir jerge úıdik. 60 ga aýmaqty tazartýǵa kúsh saldyq. Kún sýyq, únemi jel turady jáne ylǵaldylyq joǵary. Qasymyzda aq aıýlar júrdi. Keremet áser aldym», - deıdi ekspedıtsııa múshesi, M.Qozybaev atyndaǵy SQMÝ magıstranty Roman Gırıchev.

Bir aı Arktıkada ómir súrgen volonterler osy aralyqta 200 tonna temir qaldyǵy men 500- den astam eski bóshkelerdi jınap, úıip, 20 qurylys nysanyn buzǵan. Ekologııalyq ekspedıtsııa keler jyly da jalǵasyn tabady.





























Joǵary qaraı