Awa rayı
Astana -7 °S
Almatı 4 °S
valyuta bağamı
USD 375.90
EUR 426.65
RUB 5.82
CNY 55.99

SQO-dağı ekі zawıtta qosımşa 150 jumıs ornı aşıladı

2019 jıldıñ 21 aqpan 2019 18:04 392

PETROPAVL. QazAqparat - QR Premer-Mïnïstrіnіñ orınbasarı - Qorğanıs jäne aeroğarış önerkäsіbі mïnïstrі Asqar Jumağalïev Petropavl qalasına jumıs saparı kezіnde otandıq qorğanıs-önerkäsіp keşenіnіñ jetekşі käsіporındarına - Kïrov atındağı zawıt (KaZ), Petropavl awır maşïna jasaw zawıtı (PAMZ) jäne «ZÏKSTO» AQ-na bardı, dep xabarlaydı QazAqparat.

QR Qorğanıs jäne aeroğarış önerkäsіbі mïnïstrlіgіnіñ baspasöz qızmetіnіñ mälіmetіnşe, sapar barısında Asqar Jumağalïev käsіporındardıñ öndіrіstіk qızmetіmen jäne şığarılatın önіm jelіsіmen tanıstı. Sonday-aq, «KaZ» jäne «PAMZ» AQ basşıları mïnïstrdі nätïjelerі boyınşa іşkі jäne sırtqı narıqtarğa bağdarlanğan bäsekege qabіlettі jaña önіm şığarwdı ïgeretіn texnologïyalıq jañğırtw barısı twralı xabardar ettі.

Öz kezegіnde, vïce-premer Asqar Jumağalïev aldağı 2 jılda osı zawıttardı texnologïyalıq jañğırtwğa 6,6 mlrd teñge salınatının atap öttі.

«Memleket zawıttardı jañğırtwğa qomaqtı qarjı böledі. Osınıñ arqasında qosımşa 150 jaña jumıs ornı aşıladı, bul öñіrdіñ älewmettіk-ekonomïkalıq damwı üşіn öte mañızdı. Öz kezegіnde, bіz sіzden sapalı, bäsekege qabіlettі önіm kütemіz», - dedі A.Jumağalïev.

Ol käsіporındarğa qazіrdіñ özіnde önіmdі satw jäne uzaq merzіmdі kepіldendіrіlgen tapsırıstar alw üşіn eksporttıq bağıttardı oylastırwdı tapsırdı.

Premer - Mïnïstrdіñ orınbasarı jumıs saparı barısında «ZÏKSTO» AQ-da da bolıp, zawıttıñ öndіrіstіk cextarın jäne käsіporınnıñ önіmderіn aralap kördі.

Sapar nätïjesіnde QR Premer-Mïnïstrіnіñ orınbasarı - Qorğanıs jäne aeroğarış önerkäsіbі mïnïstrі Asqar Jumağalïev QÖK käsіporındarın damıtw jönіnde bіrqatar tapsırma berdі.

Jumıs saparınıñ soñında Asqar Jumağalïev Soltüstіk Qazaqstan oblısı äkіmіnіñ qorıtındı esep berw kezdeswіne qatıstı.

Ayta keterlіgі, «S.M. Kïrov atındağı zawıt» AQ 1928 jılı salınğan. Zawıt munay-gaz salası men temіr jol kölіgі üşіn avtomatïka quraldarın şığaradı, keşendі, lokomotïvtіk qawіpsіzdіk qurılğıları men radïostansalardıñ serïyalıq öndіrіsі ïgerіldі.

Al, «ZÏKSTO» AQ 1993 jılı qurılğan. Zawıt vagondardı (jartılay vagondar, astıq tasığıştar, platformalar) şığaradı, jartılay vagondardıñ, vagondardıñ qızmet etw merzіmіn uzarta otırıp, kürdelі jöndewdі, elementterdі, arnayı önіmderdі awıstıra otırıp, döñgelek juptarın dayındawdı jäne jöndewdі jüzege asıradı.

Sonday-aq, «PAMZ» AQ 1993 jılı qurılğan. Zawıt arnayı maqsattağı maşïnalar men jabdıqtar şığaradı. 

Joğarı qaray