Aýa raıy
Astana 19 °S
Almaty 18 °S
valıýta baǵamy
USD 386.34
EUR 427.25
RUB 5.88
CNY 54.57

SQO-da sheteldik jumys kúshin zańsyz paıdalanǵandarǵa 9 mln teńge aıyppul salyndy

2019 jyldyń 17 shilde 2019 17:56 223

PETROPAVL. QazAqparat – Soltústik Qazaqstan oblysynda kóshi-qon qyzmeti jyl basynan 1 217 adamdy ákimshilik jaýapkershilikke tartty, dep habarlaıdy QazAqparat tilshisi.

Oblystyq Polıtsııa departamenti baspasóz qyzmetiniń habarlaýynsha, óńir polıtseıleri el aýmaǵyna zańsyz kelgenderdi anyqtap jatyr. 16 shildede oblysta «Kelimsek» jedel-profılaktıkalyq is-sharasynyń ekinshi kezeńi bastaldy. Polıtseıler tranzıttik aǵyndy tekserip, sheteldikter arasynda qylmystar men quqyq buzýshylyqtardy anyqtaıdy. Qajetti qujattardy resimdeýge kómek kórsetedi.

Sheteldikterdi tekserýge baǵyttalǵan reıd Petropavl qalasyn jáne oblystyń barlyq aýdanyn qamtyǵan. Osylaısha, bir kúnniń qorytyndysy boıynsha el aýmaǵynda bolý erejesin saqtamaǵan 128 adam ákimshilik jaýapkershilikke tartyldy.

«Kóshi-qon qyzmetkerleri ákimshilik quqyq buzýshylyqqa jol bergen 41 jastaǵy Ózbekstan azamatyn anyqtady. Ol respýblıka shekarasynyń pýnktin aınalyp ótken. Bul sheteldik buǵan deıin de sot sheshimimen el aýmaǵynan shyǵarylǵan bolatyn. Zańdy buzǵan ózbekstandyq Petropavl qalasyna elimizdiń ońtústik óńirinen birer kún buryn kelgen. Ol 2016 jyly sot qaýlysyna sáıkes el aýmaǵynan shyǵarý sheshimi bolǵanyna qaramastan elimizde jumysqa ornalaspaqshy bolǵan», - deıdi oblystyq PD Kóshi-qon qyzmeti basqarmasynyń bastyǵy Talǵat Ábilev.

Osy derek boıynsha QR QK-nyń «Memlekettik shekarany qasaqana zańsyz kesip ótý» 392-babyna sáıkes tergeý bastaldy. Zań buzýshy bul joly da el aýmaǵynan shyǵarylady.

Mamandardyń aıtýynsha, jyl basynan oblystyq kóshi-qon qyzmeti bólimsheleriniń qyzmetkerleri elde turý erejesin buzǵan 1 217 sheteldikti ákimshilik jaýapkershilikke tartqan. Olardyń 51-i elden shyǵarylsa, 9-nyń isi azamattyq sotta qaralýda. Sheteldik jumys kúshin zańsyz paıdalanǵan 56 jumys berýshige 9 mln teńge shamasynda aıyppul salyndy.

Joǵary qaraı