Aýa raıy
Astana 25 °S
Almaty 27 °S
valıýta baǵamy
USD 385.42
EUR 424.58
RUB 6.00
CNY 54.31

SQO-da polıtsııa qyzmetkeri júkti áıeldi perzenthanaǵa jetkizdi

2019 jyldyń 23 tamyz 2019 10:13

PETROPAVL. QazAqparat – Soltústik Qazaqstan oblysynda polıtseıler jolda júkti anany bosandyra jazdady, dep habarlaıdy «QazAqparat» HAA tilshisi.

Polıtsııa departamenti baspasóz qyzmetiniń málimetinshe, oqıǵa «Ońtústik» beketinde bolǵan. Patrýldik polıtsııa batalonynyń qyzmetkeri Serik Seıpıev júkti áıel úshin ıgi is jasady.

Dál sol kúni Aqqaıyń aýdanynyń turǵyny Álimhat Samıǵulov aýdandyq aýrýhananyń akýsheriniń qaraýymen áıelin oblystyq perınataldyq ortalyqqa apara jatqan. Kólik jolda buzylyp qalǵan. Kelinshegi men akýsherdi ótip bara jatqan kólikke otyrǵyzýǵa týra keldi. Óte shuǵyl bolǵandyqtan akýsher polıtseılerdiń kómegine júginýge keńes berdi. Saǵat túngi 22-00 shamasynda júrgizýshi beketke kelip toqtaǵan.

«S. Seıpıev dereý kelinshek pen akýsherdi patrýldik kólikke otyrǵyzyp, shamdaryn qosyp, birneshe mınýttyń ishinde perınataldyq ortalyqqa jetkizdi. Onyń seriktesi Asqar Serdalınov bul ýaqytta kezekshi bólimge bolǵan jaǵdaı týraly habar bergen. Shamamen jarty saǵattań soń kezekshi bólimnen kelinshektiń aman-esen ul bosanǵany týraly habar keldi», - dedi baspasóz qyzmetindegiler.

Polıtseı ýaqyttyń tapshy ekenin túsingengendikten, ájeptáýir ýaıymdaǵanyn jetkizdi. Kelesi kúni aǵa leıtenant Seıpıev ana men balanyń jaǵdaıyn bilip qaıtý úshin taǵy da bir márte perınataldyq ortalyqqa keldi.

Olesıa Jýkoven


Joǵary qaraı