Aýa raıy
Astana 12 °S
Almaty 20 °S
valıýta baǵamy
USD 386.70
EUR 427.15
RUB 6.06
CNY 54.57

SQO-da polıtseıler ekiqabat áıeldi aýrýhanaǵa apara jatqan turǵynǵa kómektesti

2019 jyldyń 15 tamyz 2019 12:11

PETROPAVL. QazAqparat – Soltústik Qazaqstan oblysynyń Taıynsha aýdanynda ekiqabat áıeldi aýrýhanaǵa apara jatqan aýyl turǵynynyń kóligi synyp, olarǵa patrýldik polıtseıler kómek kórsetti, dep habarlaıdy QazAqparat tilshisi.

SQO Polıtsııa departamenti baspasóz qyzmetiniń habarlaýynsha, Taıynsha aýdanynda kezekshilikte júrgen patrýldik polıtsııa qyzmetkerleri tús kezinde jol shetinde turǵan kólikti kórgen. Aqjar aýdanynan shyqqan jolaýshylar Kókshetaýdy betke alypty. Alaıda «Kókshetaý-Omby» avtojolynyń Chkalov jáne Ilıchevka eldi mekenderiniń aralyǵynda kólik synǵan.

«Volkswagen Golf avtokóliginde júrgizýshiden basqa taǵy tórt jolaýshy boldy: eki áıel, bala jáne 22 jastaǵy aıaǵy aýyr áıel. Júrgizýshi týystaryn Kókshetaý qalasyna apara jatyr eken. Ekiqabat kelinshek aýrýhanada ýltradybystyq zertteýden ótpek bolǵan. Alaıda orta jolda kóliktiń dóńgelegi synyp, ne isterlerin bilmeı tur eken», - deıdi SQO PD Patrýldi polıtsııa batalonynyń qyzmetkerleri Asqat Qamalıev pen Stanıslav Saks.

Tártip saqshylary kólik júrgizýshisin Chkalov eldimekenindegi shınomontajdaý sheberhanasyna jetkizip, qajetti qosalqy bólshekti alýǵa kómektesedi. Keıin kólikti jóndesip, kórshi oblystyń shekarasyna deıin shyǵaryp salady.





«Jolda qalǵan júrgizýshilerge bizdiń qyzmetkerler jıi kómektesip turady. Sondaı oqıǵanyń biri bıyl mamyr aıynda boldy. Qaladan kele jatqan balalary bar shaǵyn avtobýs órttenip, tártip saqshylary olardy der kezinde kólikten shyǵaryp aldy. Shilde aıynda Petropavl qalasynyń mańynda sańyraýqulaq terip júrgen er adamnyń jaǵdaıy nasharlap, patrýldi polıtsııa qyzmetkerleri ony jedel túrde aýrýhanaǵa jetkizdi. Mundaı oqıǵalar polıtseılerdiń kúndelikti jumysynda jıi kezdesedi. Biraq bizdiń qyzmetker ony ózderiniń mindeti dep biledi», - deıdi SQO PD Patrýldi polıtsııa batalony komandıriniń orynbasary Rýstem Isperdınov.

Joǵary qaraı