Aýa raıy
Astana 25 °S
Almaty 27 °S
valıýta baǵamy
USD 385.42
EUR 424.58
RUB 6.00
CNY 54.31

SQO-da magıstratýraǵa túskenderdiń teń jartysy shekti baldy jınaı almady

2019 jyldyń 16 tamyz 2019 05:36

PETROPAVL. QazAqparat – Soltústik Qazaqstan oblysynda bıyl magıstratýraǵa túsýge ótinish bergenderdiń teń jartysyna jýyǵy shekti 75 baldy jınaı almady, dep habarlaıdy QazAqparat tilshisi.

M.Qozybaev atyndaǵy SQMÝ-da magıstratýraǵa túsý emtıhandary aıaqtaldy. Úmitkerler keshendi testileýden 10-14 tamyz aralyǵynda ótti. Bıyl oqýdy jalǵastyrýǵa 366 soltústikqazaqstandyq tilek bildirgen.

Joǵary oqý orny ókilderiniń aıtýynsha, emtıhandy obektıvti ótkizý úshin metall detektorlary men uıaly telefon sıgnaldaryn basatyn quraldar qoldanyldy. Keshendi test tapsyratyn barlyq aýdıtorııalar dybystyq jáne beınejazbamen jabdyqtaldy. Sonymen qatar, onlaın-translıatsııa arqyly testileýdi QR Bilim jáne ǵylym mınıstrliginiń ókilderi, jurtshylyq jáne «Qyzyljar - adaldyq alańy» aımaqtyq jobalyq keńsesiniń ókilderi baqylady.

Magıstratýraǵa túsýge ótinish bergenderdiń 19-y emtıhanǵa kelmedi. Keshendi testileýdiń talaptaryn buzǵany úshin 17 úmitkerdiń nátıjesi joıyldy. Nátıjesinde, 347 úmitkerdiń 27-si 100-den joǵary, 138 talapker 75-ten joǵary ball jınady. Al óńir boıynsha ortasha ball 75 baldy qurady.

«Jalpy bıyl úmitkerlerdiń arasynda asa suranysqa ıe bolyp jatqan mamandyqtar bul – fılologııa, oǵan 366 talapkerdiń arasynan 33 adam nıet bildirdi. Dene shynyqtyrý mamandyǵyna - 17, tarıh jáne arheologııaǵa 14 adam qujattaryn tapsyrdy. Al qalǵan pánder boıynsha tapsyrǵandardyń ortasha sany 7 – 8 shamasynda», - deıdi Qabyldaý komıssııasy jaýapty hatshysynyń orynbasary Almaz Kenjeǵalın.

Joǵary qaraı