Aýa raıy
Astana 7 °S
Almaty 12 °S
valıýta baǵamy
USD 389.98
EUR 434.01
RUB 6.10
CNY 55.04

SQO-da iri qalaıy ken orny ashylady

2019 jyldyń 21 aqpan 2019 18:22

PETROPAVL. QazAqparat - SQO-da qalaıy óndiretin úlken ken orny ashylyp, óńir ekonomıkasynyń damýyna serpin bermek, dep habarlaıdy QazAqparat tilshisi.

Bul jaıynda SQO ákimi Qumar Aqsaqalovtyń halyq aldyndaǵy eseptik kezdesýinde belgili boldy. Qalaıy ken orny Aıyrtaý aýdanynda ornalasqan.

«Kóp jyldar boıy Qazaqstandaǵy jalǵyz, Ortalyq Azııadaǵy iri qalaıy ken oryndarynyń biri - Syrymbet zertteldi. Bıyl mamyr aıynda ashýdy josparlap otyrmyz. Bıyl ınvestıtsııa kólemi 4 mlrd teńgeni quramaq. Joba 2021 jyldan bastap tolyq kúshinde jumys isteıdi, jalpy ınvestıtsııa kólemi 100 mlrd teńgege jetpek. Bizdiń óńir úshin bul úlken jetistik», - dedi Qumar Aqsaqalov.

Oblystaǵy basty kásiporyndar - «PAMJ» jáne «Kırov zaýyty» damýdyń jańa satysyna shyǵýda. Zaýyttardy jańǵyrtýǵa 6,7 mlrd teńge bólindi.

«Elbasy qoldaýynyń arqasynda sońǵy 10 jylda zaýyttardy jańǵyrtý jumystary bastaldy. Osynyń arqasynda kásiporyndar elde shyǵarylmaıtyn ónimderdi óndire bastamaq. Turmystyq tehnıkaǵa arnalǵan qurylǵy, aqparattyq qaýipsizdik qondyrǵylary jasalady. Zaýyttardyń toqtaýsyz jumys isteýi aldaǵy 3 jylda ónim kólemin 40 % ósirýge múmkindik bermek», - dedi oblys ákimi.

«BioOperations» zaýytynda krahmal men kilegeı tsehy iske qosyldy. Jeltoqsanda bıoetanol shyǵaratyn tseh jumysyn bastaıdy. Óńirde metall-plastık shyǵaratyn «Radýga» JShS ashyldy. Ol - qaıtalama polımer óńdeıtin elimizdegi biregeı zaýyt.

Oblysy ákiminiń aıtýynsha, sheteldik ınvestorlardyń qatysýymen qospajem óndiretin jáne aǵash pen bıdaı óńdeıtin kásiporyndy salý josparda bar. Burynǵy Kalının atyndaǵy zaýyt negizinde zamanaýı data-ortalyq salý kózdelgen, ınvestıtsııa kólemi - 27,5 mlrd teńge. Qazir óńirde 7 iri ınvestıtsııalyq joba ázirlenýde. Nátıjesinde bul kásiporyndar eki jyldyń ishinde óńir ekonomıkasyna 80 mlrd teńge ınvestıtsııa ákelip, 1 500 adam jumyspen qamtylmaq.

Joǵary qaraı