Aýa raıy
Astana 0 °S
Almaty 3 °S
valıýta baǵamy
USD 388.70
EUR 428.70
RUB 6.08
CNY 55.46

SQO-da etnografııalyq ekspedıtsııa qazaq aýyldaryn aralaıdy

2019 jyldyń 18 maýsym 2019 17:30

PETROPAVL. QazAqparat - QR Ulttyq mýzeıi M. Qozybaev atyndaǵy Soltústik Qazaqstan memlekettik ýnıversıtetimen birlesip, Qyzyljar óńiriniń qazaq aýyldaryna ekspedıtsııa uıymdastyrdy, dep habarlaıdy QazAqparat tilshisi.

Saryarqa keshendi etnografııalyq ekspedıtsııasy Ulttyq mýzeıdiń 5 jyldyq mereıtoıy aıasynda ótpek. Soltústik Qazaqstan oblysy qazaqtarynyń materıaldyq emes mádenı murasyn zertteýge baǵyttalǵan. Nátıjesinde salt-dástúrdiń biregeı túrlerin anyqtap, kópshilikke taratý, jandandyrý jáne olardy ártúrli formattarda paıdalanýdy kózdeıdi.


null

Etnografııalyq ekspedıtsııaǵa Ulttyq mýzeıdiń 3 ǵylymı qyzmetkeri jáne M.Qozybaev atyndaǵy SQMÝ tarıh jáne azyq túlik ónimderiniń tehnologııasy mamandyqtarynyń 20-ǵa jýyq stýdenti úsh aptaǵa attandy. Іs-shara aıasynda olar SQO-nyń Ýálıhanov jáne Esil aýdandaryn aralaıdy. Osylaısha materıaldy emes mádenı qundylyqtardy zertteıdi.


null

«Bıyl halyq arasyna shyǵyp, ata-ájelerimizben kezdesip, aýyz ádebıetiniń úlgilerin, ańyz-áńgimelerdi solardyń óz aýzynan jazyp alýdy jón kórdik. Sándik-qoldanbaly óner, otbasylyq-turmystyq joralar, qazaqtyń ulttyq taǵamdary, ulttyq oıyndar - osynyń bárin jazyp alýǵa tyrysamyz. Óıtkeni, mádenı muramyz urpaq aýysqan saıyn kóshi-qon, basqa da faktorlardyń saldarynan joıylyp barady», - deıdi QR Ulttyq mýzeıiniń bólim jetekshisi, etnograf Áıgerim Musaǵajınova.


null

Ulttyq mýzeıdiń jetekshi ǵylymı qyzmetkeri Áıgerim Musaǵajınovanyń bul salada júrgenine 15 jylǵa jýyqtaǵan. Qazaqstannyń túkpir-túkpirin aralaǵan ol nátıjesinde umyt bola jazdaǵan 200-deı ulttyq taǵamdy anyqtap, jazyp alypty. Bul joly negizinen jastardan quralǵan ekspedıtsııaǵa jetekshilik etpekshi.

«Nelikten tańdaý Soltústik Qazaqstan oblysyna tústi? Óıtkeni bul - qazaqtyń dástúri buzylmaı saqtalǵan biregeı aımaq. Maqsatymyz - jastardy qatystyra otyra etnografııalyq zertteý júrgizýdiń tásilderin kórsetý, bolashaq mamandardy bizdiń baı muramyzben tanystyrý. Byltyr synaq retinde Qyzyljar óńiriniń birer aýylyn araladyq. Sonyń ózinde osy aımaqqa ǵana tán 13 ulttyq taǵamdy anyqtadyq. Buǵan deıin bolǵan, biraq basqa óńirlerde joǵalyp ketken qyzyqty birneshe saltty kórip, jazyp aldyq», - deıdi Áıgerim Musaǵajınova.

Zertteý nátıjeleri bolashaqta dástúrli mádenıetke jáne mýzykalyq folklorǵa, tamaqtaný tehnologııasy men halyq aýyz ádebıetine arnalǵan oqý kýrstarynda qoldanylmaqshy. Sondaı-aq, arnaıy albom jasap shyǵarý da josparda bar.

Joǵary qaraı