Aýa raıy
Astana -2 °S
Almaty 21 °S
valıýta baǵamy
USD 389.98
EUR 434.01
RUB 6.10
CNY 55.04

SQO-da 5 myńǵa jýyq otbasy ataýly áleýmettik kómekti alady

2019 jyldyń 19 qyrkúıek 2019 16:53

PETROPAVL. QazAqparat – Soltústik Qazaqstan oblysynda jyl basynan 4 911 otbasyǵa 1,4 mlrd teńgeniń ataýly áleýmettik kómegi kórsetildi, dep habarlaıdy QazAqparat tilshisi.

Memlekettik qyzmet kórsetý máseleleri boıynsha vedomstvoaralyq jumys tobynyń otyrysynda jumyspen qamtýdy úılestirý jáne áleýmettik baǵdarlamalar basqarmasynyń jetekshisi Almaz Qoshmanov osylaı málim etti. Onyń sózine qaraǵanda, ataýly áleýmettik kómekti alatyndardyń 1 466-sy – kópbalaly otbasylar. Kirisiniń artýyna baılanysty 730 otbasyǵa tólem jasalmaıtyn boldy. Otbasyǵa beriletin ataýly áleýmettik kómektiń (AÁK) ortasha mólsheri 12 865 teńgeden 79 900 teńgege deıin artty.

«AÁK alatyndarǵa, sonyń ishinde kópbalaly otbasylarǵa jumysqa turýǵa da jaǵdaı jasalady. Budan basqa qaıta daıarlaý, biliktilikti arttyrý kýrstarynda oqýlaryna múmkindik bar. Shaǵyn nesıeler men granttar beriledi. Osylaısha otbasylarǵa qıyn jaǵdaıdan shyǵýǵa barynsha kómek kórsetiledi», - deıdi Almaz Qoshmanov.

Jyl basynan 3,6 myń áleýmettik kelisim jasalǵan, jumyspen qamtýdyń belsendi sharalaryna 800-den asa adam tartylyp, 600-den asa adam turaqty jumysqa ornalastyryldy. Turmysy tómen 125 otbasyǵa mal nemese qus alýǵa bir rettik áleýmettik kómek kórsetilgen.

«Qolǵa alynǵa bul sharalar óz nátıjesin berip jatyr. Jan basyna shaqqandaǵy tabys 11,6 myń teńgeden 21,1 myń teńgege deıin artty», - dedi Almaz Qoshmanov.

Jumys toby músheleriniń pikirinshe, AÁK – búginde kúnniń basty taqyrybyna aınalǵan. Jurttyń keıbiri túsinbegendikten qoıar suraǵy da kóp. Jumys tobynyń tóraǵasy Jeńis Qazıevtiń aıtýynsha, tıisti basqarma der kezinde jaýap bermeıdi. Osyǵan oraı vedomstvo jetekshisine bul máseleni baqylaýǵa alyp, ásirese eldi-mekenderde aqparattyq-túsindirý jumystaryn sapaly júrgizý úshin qosymsha mamandardy tartýǵa keńes berildi.


Joǵary qaraı