Awa rayı
Astana 11 °S
Almatı 10 °S
valyuta bağamı
USD 352.54
EUR 415.15
RUB 5.31
CNY 51.53

Şımkenttіñ jaña byudjetі belgіlі boldı

2018 jıldıñ 21 mawsım 2018 10:12 1930

ASTANA. QazAqparat - Respwblïkalıq mañızı bar qalalardıñ qatarına qosılğan Şımkenttі awqımdı özgerіster kütіp tur. Keler jıldan bastap qalanıñ byudjetі 183 mïllïard teñgege deyіn artadı, dep xabarlaydı QazAqparat Xabar 24 telearnasına sіlteme jasap.

«Qalanıñ bïılğı - jaña märtebenіñ berіlwіne deyіngі byudjetі 137 mïllïard. Sonıñ 64 mïllïardı qalanıñ derbes tabısı da, 35-34 mïllïard teñgesі oblıstıq byudjet esebіnen toltırılıp otır, al 18 mïllïard teñgenі swbvencïyalar qurap otır. Qalanıñ derbes byudjetіn 183 mïllïard teñge deyіn arttırwdı josparlap otırmız, odan tıs swbvencïyalar da boladı ärі respwblïkadan da suraymız. 2019 jılğa qaray bastapqı byudjet 183 mïllïard boladı. Äkіmdіkte bes basqarma - tabïğattı qorğaw, memlekettіk säwlet-qurılıs baqılaw, ana men bala, dіn іsterі, densawlıq saqtaw, arxïv jäne cïfrlandırw basqarmaları qurıladı. Şımkenttі «aqıldı» qalağa aynaldırw üderіsі jalğasa beredі», - deydі Şımkent äkіmіnіñ orınbasarı Güljan Qurmanbekova.

Qosımşa qarajattar jol qurılısı, jaña mektepter, baspanalar, demalıs orındarın, jolayrıqtar salwğa, avtobws parkіn jañartwğa jumsaladı.

«Qurılıs qarqını küşeytіledі. Respwblïkalıq transfertterdі tіkeley alatın bolamız. Eñ aldımen baspana mäselesіn şeşwіmіz kerek. 2017 jılı 238 mıñ şarşı metrdіñ baspanasın ïelerіne tapsırdıq, al bïıl osı körsetkіştі 457 mıñ şarşı metrge jetkіzw josparda bar», - deydі Şımkent qalası qurılıs bölіmіnіñ basşısı Äbіlseyіt Rabaev.

Şımkentte 55 mektep boy köteredі. Mïllïoner qalada jılına 10 mıñğa jwıq säbï dünïege keledі. Äkіmdіk respwblïkalıq mañızı bar qala märtebesіnіñ berіlwі Şımkenttіñ ekonomïkalıq axwalın jaqsartatınına senіmdі. Älewmettіk jäne baspanamen qamtw salalalarına bölіnetіn qarajat artadı, gaz, sw, elektr tartw sekіldі ïnfraqurılım qurılıstarı boyınşa jumıstar küşeytіledі. Jıl soñına deyіn qalada bіrde-bіr asfalt jabındısız jol qalmawı tïіs.

Bastı sözder: Şımkent, Byudjet,
Joğarı qaray