Aýa raıy
Astana 17 °S
Almaty 16 °S
valıýta baǵamy
USD 386.82
EUR 428.67
RUB 5.86
CNY 54.95

Shymkenttik dárigerlerdiń jalaqysy ósip, júktemesi azaıdy

2019 jyldyń 21 aqpan 2019 15:53 1733

ShYMKENT. QazAqparat - Shymkenttik  dárigerlerdiń jalaqysy ósip, júktemesi azaıdy. Qalada qosymsha 40 ýchaskelik emhana ashý josparlanyp, mamandar oqytylyp jatyr. Bul týraly búgin qalalyq densaýlyq saqtaý basqarmasy uıymdastyrǵan baspasóz máslıhatynda málim boldy, dep habarlaıdy QazAqparat tilshisi.

Basqarma mamandarynyń aıtýynsha, eńbekaqysy kóterilgen medıtsına mamandary aýrýlardy basqarý baǵdarlamasy boıynsha oqytý kýrsynan ótken. Bul - sozylmaly ınfektsııalyq emes aýrýlary bar adamdardy qoldaýǵa arnalǵan jáne sozylmaly aýrýlardy júrgizýdi jaqsartýǵa baǵyttalǵan keshendi josparly tásil. Qazirgi tańda atalmysh baǵdarlama boıynsha 207 dáriger men 475 orta medıtsınalyq qyzmetker oqyǵan.  ıAǵnı,  ýchaskelik jeli medıtsına qyzmetkerleriniń 50% jýyǵynyń tájirıbesin jetildirgen. Sondaı-aq, naýryz aıynyń sońyna deıin qaladaǵy dárigerler men orta deńgeıdegi medıtsınalyq qyzmetkerler tolyqtaı oqytý kýrsynan ótedi. Olardyń jalaqysy orta eseppen 20 paıyzǵa artady.

Qalada sonymen qatar, alǵashqy medıtsınalyq-sanıtarlyq kómek kórsetetin uıymdarda jalpy tájirıbe dárigerleriniń ýchaskeleri toptastyrylyp jatyr. Ótken jyldyń qyrkúıek aıynda ýchaskelik emhanalarda bir dárigerge 2084 turǵynnan kelse, aǵymdaǵy jyldyń sońyna deıin bul kórsetkishte naýqastar sany 1905-ke kemıtin bolady. Bul baǵytta basqarma tarapynan bastapqy medıtsınalyq kómek kórsetetin memlekettik-jekemenshik seriktestikterdi jáne kishigirim jekemenshik klınıkalardy jetildirý arqyly osy kórsetkishti 1700-ge deıin jetkizý boıynsha is-sharalar júrip jatyr. 

 

 

Joǵary qaraı