Aýa raıy
Astana 9 °S
Almaty 15 °S
valıýta baǵamy
USD 389.52
EUR 429.21
RUB 6.07
CNY 54.94

Shymkentte para alý kezinde ustalǵan sheneýnik 45 mln teńge aıyppul tóleıtin boldy

2019 jyldyń 15 mamyr 2019 12:52

ShYMKENT. QazAqparat - Shymkentte para alý kezinde ustalǵan qalalyq bilim bólimi basshysynyń burynǵy orynbasary Ǵabıt Nysanov 45 mln teńge aıyppul tóleıtin boldy. Burynǵy sheneýniktiń qylmystyq isin qaraǵan ál-Farabı aýdandyq soty osyndaı úkim shyǵardy, dep habarlaıdy QazAqparat tilshisi.

Aıyptalýshy sot zalynan bosatylyp, memlekettik qyzmet atqarý quqyǵynan aıyryldy. Aýdandyq sottyń málimetinshe, aıyptalýshy ótken jyldyń jeltoqsan aıynda para alý kezinde ustalǵan. Sot otyrysynda onyń jaýapty laýazymdy qyzmetti atqara otyryp, mekteptegi ashanany jalǵa alyp jumys isteıtin kásipkerge kómektesemin dep 1,5 mln teńge alǵany dálelin tapty. Eks-sheneýniktiń mindetine mektepterde qyzmet atqarýǵa tender ótkizý jáne kelisimshart túzý kirgeni anyqtalǵan.

Tergeý kezinde Ǵabıt Nysanov óz kinásin tolyǵymen moıyndap, prokýrorlarmen protsessýaldyq kelisimge kelgen. Endigi jerde sottalýshy bir aı ýaqyt aralyǵynda 45 mln tńgeni tóleýi tıis.

Joǵary qaraı