Awa rayı
Astana -4 °S
Almatı 4 °S
valyuta bağamı
USD 378.17
EUR 429.11
RUB 5.88
CNY 56.48

Şımkentte alğaş ret elektrondıq kommercïya ortalığı aşıladı

2019 jıldıñ 21 aqpan 2019 18:23 426

ŞIMKENT. QazAqparat - Şımkentte  elektrondıq kommercïyanı damıtw іsі qolğa alındı. Jobanı jüzege asırw maqsatında Şımkent qalasınıñ äkіmdіgі men «Qazpoçta» AQ jäne «Shymkent» Älewmettіk-käsіpkerlіk korporacïyası» AQ arasında üşjaqtı ıntımaqtastıq memorandwmı tüzіldі, dep xabarlaydı QazAqparat tіlşіsі.

Memorandwm ayasında qalanıñ alğaşqı elektrondıq kommercïya ortalığı aşıladı. Bul jumıstar Şımkent qalası äkіmdіgіnіñ 2019-2021 jıldarğa arnalğan jastar men äyelder käsіpkerlіgіn damıtw jönіndegі іs-şaralar josparınıñ negіzіnde atqarılıp otır.

Bul josparda elektrondıq kommercïyanı damıtwğa erekşe nazar awdarılğan. Mısalı, äzіrlengen qoldaw şaralarınıñ bіrі - Qazaqstan men Özbekstan boyınşa Şımkent ïnternet-dükenderіnіñ tawarların jetkіzwge jumsalatın şığındardı ötew. Tawarlardı  «Qazpoşta» AQ jetkіzedі. Sonımen qatar, bіr tereze qağïdası boyınşa bïznes üşіn bіrıñğay qızmet swpermarketіn aşw qarastırılğan.

Qurılğan «Bïznes-swpermarket» awmağında «Qazpoşta» AQ-men bіrlesken elektrondıq kommercïya ortalığı qurıladı. Bul - Şımkenttegі eñ alğaşqı osınday ortalıq. Onda e-commerce salasında alğaşqı qadamın jasaytın käsіpkerler qaytarımsız negіzde oqıtwdan ötedі jäne menşіktі sawda ïnternet-alañdarın äzіrlewde, xalıqaralıq sawdanı jüzege asırwda ädіstemelіk kömek ala aladı.

Körsetіlgen qoldaw şaraları Şımkent qalasınıñ ğana emes, bükіl oñtüstіk öñіrіnіñ elektrondıq kommercïyasın damıtwğa ıqpal etedі dep kütіlwde. 



null 

 

 

Joğarı qaray