Aýa raıy
Astana 10 °S
Almaty 23 °S
valıýta baǵamy
USD 389.52
EUR 429.21
RUB 6.07
CNY 54.94

Short-trek: álem kýbogy kezeńinde 500 metrden qos qazaqstandyq sportshy fınalǵa ótti

2018 jyldyń 9 jeltoqsan 2018 15:38

ALMATY. QazAqparat - Short-trekten Almatyda ótip jatqan álem kýbogy kezeńinde Abzal Ájiǵalıev pen Denıs Nıkısha 500 metr qashyqtyqta fınalǵa joldama aldy, dep habarlaıdy QazAqparat tilshisi.

Abzal shırek jáne jartylaı fınalda óz tobynda aldyna jan salǵan joq, ol sondyqtan birden ótti.

Denıs jartylaı fınalda qulap qaldy. Degenmen tóreshiler reseılik Pavel Sıtnıkovke penaltı berip, D.Nıkıshaǵa V fınalynda óner kórsetýge múmkindik jasady.

Osylaısha Abzal Ájiǵalıev 500 metr qashyqtyqta júlde úshin talasady.

Erler arasynda 1500 metr qashyqtyqta úsh birdeı qazaq sportshysy jartylaı fınalda baq synady. Batysqazaqstandyqtar Ádil Ǵalıahmetov pen Nurbergen Jumaǵazıev, sondaı-aq Erkebulan Shamuhanov V fınalyna joldama aldy. Ásirese, 20 jasar Á.Ǵalıahmetov úshin bul jaqsy jetistik dep esepteýgebolady.

Qyzdardan qazaqstandyqtar Álııa Kım (Iong A Kım) men Olga Tıhonova 1500 metr qashyqtyqta jartylaı fınalǵa shyqqanymen, odan ári asa alǵan joq.

Eske sala keteıik, keshe fınaldyq básekede qos birdeı qazaqstandyq shorttrekshi óner kórsetken bolatyn. Anastasııa Krestova 1500 metr qashyqtyqta qola medalǵa sál ǵana jetpeı, tórtinshi orynnan kórindi. Abzal Ájiǵalıev 1000 metr qashyqtyqta A fınalyna shyqqanymen, besinshi orynda qalyp qoıdy.

Almatydaǵy álem kýbogy kezeńi búgin márege jetedi.

Avtor Eljan Eraly
Basty sózder: Sport, Almaty,
Joǵary qaraı