Aýa raıy
Astana 31 °S
Almaty 32 °S
valıýta baǵamy
USD 383.43
EUR 432.47
RUB 6.12
CNY 55.78

ShQO-da tuńǵysh ret 140 shaqyrymdyq at báıgesi ótti

2019 jyldyń 17 maýsym 2019 18:19 955

ShYǴYS QAZAQSTAN OBLYSY. QazAqparat - ShQO-da tuńǵysh ret 140 shaqyrymdyq at báıgesi uıymdastyryldy, dep habarlaıdy QazAqparat.

At jarysy «Tuǵyry bıik Tarbaǵataı» óner men sport festıvali aıasynda  ótkizildi.

Tańǵy saǵat 4-te 140 shaqyrymǵa arnalǵan at báıgesi bastaldy. Qazaqstannyń ár aımaǵynan kelgen 106 shabandoz Kókpekti aýylynan Aqsýat aýylyna deıin báıgege tústi. Jarystyń shynaıy ári ádil ótýin qamtamasyz etý maqsatynda jylqylar GPS júıesimen qamtamasyz etildi.

Qazaq kúresinen Halyqaralyq federatsııasynyń vıtse-prezıdenti Batyrhan Qamynhanulynyń aıtýynsha, bul elimizde osyndaı qashyqtyqta ótkizilip otyrǵan tuńǵysh báıge.

«Búgin shabandozdar úshin úlken mereke boldy. Jylqylar uzaq qashyqtyqta joǵary shydamdylyqtaryn kórsetti»,-dedi B.Qamynhanuly.

Shabandozdar 8 saǵattan astam jol júrip ótti. Úlken jarystyń jeńimpazy Kókpekti aýdanynyń turǵyny Rýslan Shaıargazın atandy.

«Búgin úlken jarys boldy. Jol júrý barysynda qıyndyqtar boldy. Men mingen júırik qıynshylyqtarǵa qaramastan aqtyq márege birinshi jetti. Astymdaǵy tulparymnyń jaǵdaıyn udaıy baqylap, tózimdiliginiń nátıjesinde jeńimpaz boldym dep oılaımyn,- dedi qýanyshyn jasyra almaǵan shabandoz.

Bul kún qazaqstandyq at sporty tarıhyna eneri sózsiz.

Uıymdastyrýshylar komıtetiniń ókili, oblystyq deneshynyqtyrý jáne sport basqarmasynyń basshysy Denıs Rypakov:

«Elimizdiń shyǵysynda halyqaralyq báıgeniń ótýi-qazaqstandyq at sportynda aıtýly oqıǵa. Jarysqa arnaıy daıyndalǵan júırikter qatysyp, marafondyq shydamdylyq tanytty. Bunyń barlyǵy úlken tabandy eńbek. Aldaǵy ýaqytta bul báıge túrin ótkizýdi dástúrge aınaldyryp, onyń aýqymyn keńeıtetin bolamyz,- dedi Uıymdastyrýshylar komıtetiniń ókili, oblystyq deneshynyqtyrý jáne sport basqarmasynyń basshysy Denıs Rypakov.

Sonymen qatar, atalǵan festıval aıasynda ár qashyqtyqta taı jarysy, jorǵa jyrysy, taı báıge jáne alaman báıge ótti.

 

 

Basty sózder: Sport, Shyǵys Qazaqstan oblysy,
Joǵary qaraı