Aýa raıy
Astana 0 °S
Almaty 21 °S
valıýta baǵamy
USD 389.59
EUR 429.06
RUB 6.05
CNY 55.07

ShQO boıynsha AÁK taǵaıyndaýda Semeı qalasynyń úlesi joǵary

2019 jyldyń 23 mamyr 2019 08:55

SEMEI. QazAqparat - Shyǵys Qazaqstan oblysy ákiminiń orynbasary Ásem Núsipova Semeı qalasyndaǵy Jumyspen qamtý ortalyǵyna bardy, dep habarlaıdy QazAqparat.

Oblys ákiminiń orynbasary ataýly áleýmettik kómek taǵaıyndaý jumystarynyń qandaı deńgeıde atqarylyp jatqandyǵyn tekserip, turǵyndarǵa AÁK-ti taǵaıyndaýdyń jańa tártibin túsindirdi.

«Elimizde 2019 jyldyń 1 sáýirinen bastap ataýly áleýmettik kómekti taǵaıyndaýdyń jańa tártibindegi adam basyna shaqqandaǵy kúnkóris deńgeıi 50%-dan 70%-ǵa ózgerdi. ıAǵnı 14 949-dan 20 789 teńgege deıin. Demek, osydan bylaı januıada jan basyna shaqqandaǵy ortasha tabys 70%-dyń sheginen aspaıtyn bolsa, onda árbir balaǵa 20 789 teńgeden tólenedi», - dedi ol.

Sonymen qatar, oblys ákiminiń orynbasary qyzmet kórsetý sapasyn surastyryp, kóptiń kókeıindegi suraqtarǵa jaýap berdi. Anyqtalǵandaı, Semeı qalasyndaǵy Jumyspen qamtý ortalyǵyna ataýly áleýmettik kómek alý úshin kún saıyn 60-tan astam adam júginedi. Turǵyndar kezekte kóp kútip qalmas úshin ortalyq qyzmetkerleriniń sanyn eki esege kóbeıtýge tapsyrma berildi. Budan bólek, ortalyqqa kezekti baqylaý jáne ony retteý júktelgen. Jalpy oblysta, Semeı qalasy boıynsha AÁK taǵaıyndaýdyń úlesi óte joǵary. Mundaǵy ár mamannyń júktemesi úlken.



null

Sáýir aıynan bastap qazirgi ýaqytqa deıin Semeı qalasyndaǵy Jumyspen qamtý ortalyǵyna 3 978 otbasy ótinish bildirgen, onyń ishinde 1 930 januıanyń AÁK-ge ótinishi qabyldansa, 1 829 otbasyǵa jalpy 261,7 mln teńge ataýly áleýmettik kómek taǵaıyndalǵan.




null

Joǵary qaraı