Aýa raıy
Astana 15 °S
Almaty 22 °S
valıýta baǵamy
USD 386.04
EUR 427.77
RUB 5.88
CNY 54.45

Sheteldik dárigerler naýqastarǵa jasandy býyn qoıyp, aıaqqa turǵyzýda - Túrkistan

2019 jyldyń 16 aqpan 2019 01:21 1397

 TÚRKІSTAN. QazAqparat - Sheteldik dárigerler Túrkistan oblysynda jasy kelgen naýqastarǵa jasandy býyn qoıyp, aıaqqa turǵyzýda. Oblystyq densaýlyq saqtaý basqarmasynyń basshysy Muqan Egizbaevtyń arnaıy shaqyrtýymen kelgen Germanııa men Reseı dárigerleri tize býynyn ishki protezdeý otalaryn jasaýda,  dep habarlaıdy QazAqparat tilshisi.

Professor Shnetler Reıner (Germanııa) men Máskeý qalasynan kelgen professor Denıs Rımashevskıı Oblystyq klınıkalyq aýrýhanasynda jergilikti dárigerlerge sheberlik sabaqtaryn ótkizip, tájirıbesimen bólisti. Alǵashqy bolyp túrkistandyq mamandar nemis áriptesterimen salmaǵy 120 keli áıeldiń tize býynyndaǵy jaramsyz shemirshegin tazalap, ornyna jasandy býyn qoıyp berdi. Al, býyn almastyrý otasy bes saǵatqa jalǵasqan. Mamandardyń aıtýynsha, pyshaqqa túsken áıeldiń býyn aýrýy semizdikten paıda bolǵan. Sonyń saldarynan aıaqqa aýyrlyq túsip, bes jyldan beri qımyl qozǵalysy shektelgen naýqas jasandy býynnyń arqasynda tik júretin boldy. Osy syndy dertke shaldyqqan birneshe naýqasqa "Straıker" fırmasynyń jasandy ısplanty qoıyldy. Dárigerler tize býynyndaǵy jaramsyz shemirshekterdi tazalap, ornyna jasandy býyn qoıdy.

«Artyq salmaq ártúrli qosymsha aýrýlardyń qozýyna sebep bolýda. Búginde semizdik derti epıdemııaǵa aınalyp barady. Men qansha jerden bilikti maman bolsam da artyq salmaǵy bar azamattarǵa operatsııa jasaǵanda qınalamyn. Óıtkeni bul operatsııa kezinde barlyq elementterdi týra 100 paıyz durys oryndap shyǵý mańyzdy. Sondyqtan bul qıyndyqty der kezinde sheshken durys der edim»,- deıdi Máskeý qalasyndaǵy RHDÝ dárigeri Denıs Remashevskıı.

Aıta keteıik, bul Germanııa jáne Reseı dárigerleriniń óńirge alǵashqy sapary emes. Mamandar buǵan deıin klınıkalyq aýrýhana bazasynda býyn almastyrý otasyn jasaǵan bolatyn. Otanyń mundaı aýyr túrin jergilikti dárigerler de júrgizedi. Aýrýhana bazasynda jyl saıyn 100-den asa býyn almastyrý otasy jasalady. 

 

 

Avtor Aınur Aqbaeva
Basty sózder: Túrkistan oblysy, Medıtsına,
Joǵary qaraı