Awa rayı
Nur-Sultan 11 °S
Almatı 21 °S
valyuta bağamı
USD 383.43
EUR 429.83
RUB 5.96
CNY 55.39

Şeteldegі qazaq tulğalarınıñ zïrattarı erekşe kütіmge alınadı

2019 jıldıñ 21 mamır 2019 18:15 718

NUR-SULTAN. QazAqparat - Qazaqstan awmağınan tıs jatqan qazaq tulğalarınıñ zïrattarı erekşe baqılaw men kütіmge alınadı, dep xabarlaydı QazAqparat tіlşіsі.

Bul twralı QR Mädenïet jäne sport mïnïstrlіgі Mädenïet jäne öner іsterі departamentіnіñ dïrektorı Äbіl Jolamanov mälіmdedі.

«Şetelderde de mäñgіlіk mekenіn tapqan qazaq tulğaları az emes. Aldağı josparlarımızdıñ bіrі - qazaq jerіnen tıs jerlengen tulğalardıñ zïrattarınıñ awqımın anıqtaw. Qazіr arnayı tіzіm jasaqtaldı. Zïrattardı erekşe kütіp,   baqılawğa alwdı bіzdіñ mïnïstrlіktіñ jäne Qazaqstandağı bastı mädenïet, ğılım organdarınıñ parızı dep sanaymız», - dedі Ä. Jolamanov elordada ötken «Rwxanï qazına» festïvalіnіñ aşılwında.

Osığan baylanıstı QR Bіlіm jäne ğılım mïnïstrlіgіmen bіrlesіp, arnayı jobalar dayındalwda.

«Qazіrgі waqıtta ekspedïcïyalardıñ quramı anıqtaldı. Ğalımdar zïrattarmen şektelіp qalmay, sonda ömіr süretіn qazaq dïasporalarınıñ mwzıkası men folklorın jïnaqtaydı. Sonımen bіrge, qazaqstandıq ğalımdar arxïvtermen de jumıs іstep, tabılğan materïaldardı qazaq ğılımınıñ aynalımına qoswdı josparlap otır. Ekspedïcïya bïıl Resey men Özbekstannan bastaladı. Äsіrese, körşіles Resey elіnde, Özbekstan, Türіkmen jerіnde, Qıtayda bar. Mustafa Şoqay atamız alıstağı Germanïyada jatır. Ärïne, qazaq tarïxına baylanıstı barlıq eldі qamtığımız keledі», - dedі Ä. Jolamanov.

 

 

 

 

Joğarı qaray