Awa rayı
Astana -11 °S
Almatı -6 °S
valyuta bağamı
USD 371.56
EUR 422.43
RUB 5.56
CNY 53.51

«Şabıt» jastar bayqawına jwrnalïstïka atalımı qaytadan engіzіldі

2018 jıldıñ 17 qazan 2018 22:09 181

ASTANA. QazAqparat - «Şabıt» xalıqaralıq şığarmaşıl jastar festïvalіnіñ bağdarlamasına «Jwrnalïstïka» atalımı Astananıñ 20 jıldığın merekelewge oray altı jıldan soñ qayta engіzіldі, dep xabarlaydı QazAqparat qalalıq Mädenïet jäne sport basqarmasına sіlteme jasap.

Atalmış bayqawda jastar bes nomïnacïya boyınşa bäsekege tüspek. Atap aytqanda, «Klassïkalıq mwzıka», «Xalıq mwzıkası», «Estradalıq vokal», «Xoreografïya» jäne «Jwrnalïstïka».

Bïılğı bayqaw 5-9 qaraşa aralığında Beybіtşіlіk jäne kelіsіm sarayında ötedі. Onda 16-35 jas aralığındağı ümіtkerler baq sınaydı.

Är nomïnacïya boyınşa tolıq ereje bayqawdıñ saytında jäne elordalıq Mädenïet jäne sport basqarmasınıñ saytında jarïyalanğan. Bayqawğa qatısatın ümіtkerler materïaldardı Astana qalasınıñ Mädenïet jäne sport basqarmasına (010000, Astana q., Beybіtşіlіk köşesі, 11meken jayı boyınşa) tapsıradı. Sonımen qatar, bayqawğa qatıswğa ötіnіmdі sayt arqılı berwge mümkіndіk jasalğan.

Tolıq aqparattı +7 (7172) 556771,+7 (7172) 557409 telefondarı boyınşa Uyımdastırw komïtetіnen alwğa boladı.

Ötіnіmderdі qabıldaw tağı bes künge uzartıla otırıp 30 qazanğa deyіn jalğasadı.

Ayta keterlіgі, «Şabıt» xalıqaralıq şığarmaşıl jastar festïvalі üstіmіzdegі jılı 21-şі ret ötkіzіledі. Bayqawğa ötіnіmder qabıldaw qazan ayınıñ basında bastaldı. 

 

 

Bastı sözder: Astana, Mädenïet, Jastar,
Joğarı qaray