Aýa raıy
Astana 12 °S
Almaty 19 °S
valıýta baǵamy
USD 386.70
EUR 427.15
RUB 6.06
CNY 54.57

Senatorlar Muǵaljar aýdanynda boldy

2019 jyldyń 22 tamyz 2019 21:51

NUR-SULTAN. QazAqparat – Senatorlar Marat Taǵymov pen Muhtar Jumaǵazıev jumys saparymen Aqtóbe oblysynyń Muǵaljar aýdanynda boldy. Bul týraly QazAqparat Senattyń baspasóz qyzmetine silteme jasap habarlaıdy.

Aýdan ortalyǵy Qandyaǵashta senatorlar kóp páterli turǵyn úıdiń qurylysymen, kóp balaly otbasylardyń máselelerimen tanysty. Jergilikti kásipker ashqan mektepke deıingi «Baqytty bala» ortalyǵynda áleýmettik az qamtylǵan otbasylardan shyqqan balalar oqytylady. Aýdan ákimi Asqar Sherııazdanov aýdan ortalyǵynda demografııalyq ósim qarqyny baıqalatynyn, burynǵy jataqhana kúrdeli jóndeýden ótip jatqanyn, toqsan páterli turǵyn úı qazan aıynda paıdalanýǵa beriletinin jetkizdi.





Senatorlar, sondaı-aq aýdan ortalyǵyndaǵy ónerkásiptik-ekonomıkalyq kolledjde boldy. Stýdentter munda teorııalyq bilimmen qatar tájirıbe jınaqtaǵanymen, túlekterdi jumyspen qamtýda qıyndyqtar bar ekeni belgili boldy.

«Nur Otan» partııasynyń ǵımaratynda máslıhat depýtattary, aýdan aqsaqaldary men turǵyndar jergilikti ózin-ózi basqarý zańnamasyn jetildirý boıynsha usynystar aıtyp, jastardy jumyspen qamtý, bilim berý salasyndaǵy reformalar, dári-dármek baǵasynyń qymbattaýy jáne medıtsına qyzmetteriniń sapasy týraly usynys, pikirlerin aıtty.

Aýdandyq aqsaqaldar keńesiniń tóraǵasy Quranııa Aımaǵambetov ardagerlerdiń sanatorıılerde emdelý máselesin kóterip, ardagerlerdiń mártebesi týraly zań qabyldaýdy usyndy.

Depýtattar, sonymen qatar turǵyn úıge muqtaj kóp balaly analarmen jáne áleýmettik az qamtylǵan otbasylarmen kezdesti. Qandyaǵash qalasynyń ákimi Talǵat Ótemuratovtyń aıtýynsha, turǵyn úıge kezekte 1100 adam, onyń ishinde 110 kóp balaly analar bar. Senator Marat Taǵymov memleket tarapynan qabyldanyp jatqan kóp balaly jáne áleýmettik az qamtylǵan otbasylardy qoldaý sharalary týraly aıtyp ótti. Muhtar Jumaǵazıev aýyl turǵyndarynyń ómir sapasyn arttyrý jónindegi memleket bastamalary týraly habardar etti.

Hromtaý qalasynda senatorlar «Taý» agrofırmasy» JShS jumysymen tanysty. Kásiporyn basshysy Tımýr Ibragımovtiń aıtýynsha, kásiporyn aı saıyn 36 ataýly daıyn ónim óndiredi. «Milky Land» markaly sút ónimi respýblıkanyń alty aımaǵyna jetkiziledi. Kásiporyn eki aýysymda jumys isteıdi, jumyskerlerdiń ortasha eńbekaqysy 80 myń teńgeni quraıdy.





Sapar barysynda senatorlar Hromtaý taý-ken tehnıkalyq kolledjiniń tehnıkalyq bazasymen tanysty. Bul oqý orny taý-ken ónerkásibindegi eski bilim berý ortalyqtarynyń biri bolyp tabylady. Kolledjde qosarly oqytý júıesi engizilgen. Túlekteri básekege qabiletti, jumyspen qamtylǵan jáne odan ary shetelde bilim alý múmkindigi bar.

Aqjar aýyldyq okrýginde senatorlar aýdandaǵy tabysty astyq sharýashylyqtarynyń biri bolyp esepteletin «Aqjar-Agro» jaýapkershiligi shekteýli seriktestiginde boldy. Egis alańy 14 myń gektarǵa deıin keńeıdi. Aýa raıynyń qurǵaqtyǵyna qaramastan sharýalyq basshysy Qaırat Tólepbergenov bir gektardan 10 tsentnerge deıin astyq jınaýdy josparlap otyr.

Mártók aýdanyndaǵy kóshpeli semınar barysynda Aqtóbe oblysyndaǵy mal sharýashylyǵyn, mal azyǵy óndirisin jáne kókónis sharýashylyǵyn damytý máseleleri talqylandy. Semınarǵa qatysýshylar «Almanov», «Nan», «Prıgorodnoe» sharýa qojalyqtarynyń egistikterinde bolyp, 2019 jyldyń qyrkúıek aıynda paıdalanylýǵa beriletin «Mılker» qurama jem zaýyty qurylysynyń barysymen tanysty. Kásiporyn 2 527 gektar aýmaǵynda iri jáne shyryndy azyqty qaıta óńdeý jáne óndirýmen aınalysady.

Semınar barysynda aýylsharýashylyǵy qojalyqtarynyń basshylary, sarapshylar pikir almasyp, agroónerkásip keshenin damytýǵa qatysty usynystaryn aıtty.

Basty sózder: Senat, Aqtóbe oblysy,
Joǵary qaraı