Awa rayı
Astana 14 °S
Almatı 15 °S
valyuta bağamı
USD 360.12
EUR 409.67
RUB 5.33
CNY 52.34

Senatorlar «Altın adam» süyegіn jerlew mäselesіn köterdі

2018 jıldıñ 14 mawsım 2018 16:07 1155

ASTANA. QazAqparat - Bіr top Senat depwtattarı «Altın adam» süyegіn jer qoynına tapsırw usınısın engіzdі. Osı orayda senatorlar Ükіmet basşısı Baqıtjan Sağıntaevtıñ atına tïіstі depwtattıq sawaldı joldadı, dep xabarlaydı QazAqparat.

«Osı depwtattıq sawalğa sebep bolıp turğan Täwelsіz Qazaqstannıñ ulttıq sïmvoldarınıñ bіrі -  «Altın adam».  1970 jılı tabılğan jädіger älemdіk tarïxï mañızı bar qundılıq retіnde YuNESKO-nıñ tіzіmіne alınğan bolatın. Kezіnde saq xanzadasınıñ altın kïіmderі, özge de altındar men tarïxï qundılığı bar buyımdarı alınıp, süyegіnіñ osı künge deyіn jer qoynına berіlmey kele jatqandığı jurtşılıqtıñ alañdatwşılığın twdıra bastağanday. Waqıt ötken sayın qañqa süyektіñ ügіtіlіp, bülіnіp bara jatqandığın eskere otırıp, «Altın adamnıñ» süyegіn jer qoynına tapsıratın kez kelgendіgіn mamandar men ğalımdar da, el zïyalıları da orındı köterіp otır dep sanaymız. Sondıqtan aldağı waqıtta «Altın adamnıñ»  süyegіn ükіmettіk deñgeyde bükіl el bolıp qurmettep jer qoynına berwdі jan-jaqtı oylastırw qajet», - dedі senator Añsar Musaxanov.

Onıñ payımınşa, Qazaqstannıñ kïelі jerlerі attı awqımdı joba boyınşa mwzeylendіrіlgen qorğan aynalasın qazіrden bastap abattandırıp, keşendі jumıstar jürgіzіlse  - bolaşaqta atalmış qorıq elіmіzdіñ twrïstіk älewetіn köteretіn orındardıñ bіrі bolwı sözsіz.

«Altın adamnıñ» süyegіn jer qoynına berw, Esіk qorğanınıñ älewetіn älemdіk deñgeyge köterw sïyaqtı öte awqımdı ärі mañızdı іstі bіr awdannıñ nemese bіr oblıstıñ kölemіnde şeşw mümkіn emes. Osığan oray atalğan mäselege Ükіmet deñgeyіnde nazar awdarılıp, oñ şeşіm qabıldanwın suraymız», - dep tüydі senator.

 

 

Joğarı qaray