Aýa raıy
Astana 16 °S
Almaty 25 °S
valıýta baǵamy
USD 384.52
EUR 431.32
RUB 6.10
CNY 55.89

Senator: Jas ártisterdiń jalaqysy tym tómen

2019 jyldyń 21 aqpan 2019 14:53 1721

ASTANA. QazAqparat - Parlament Senatynyń depýtattary teatrdaǵy jas ártisterdiń áleýmettik jaǵdaıyn kóterýge baılanysty Úkimet basshysy Baqytjan Saǵyntaevtyń atyna depýtattyq saýal joldady, dep habarlaıdy QazAqparat.

«Mádenıet salasynyń, sonyń ishinde teatr ókilderimen kezdesý barysynda únemi kóterilip júrgen birqatar máselelerge toqtalǵymyz kelip otyr. Olardyń biri eńbekaqyǵa qatysty. Mádenıet jáne sport mınıstrliginiń aqparatyna sáıkes, teatrda qyzmet etip júrgen jas ártisterdiń shyǵarmashylyq quramy úshin orta laýazymdyq eńbekaqysy 59-76 myń teńge aralyǵynda. Al tehnıkalyq quram úshin 43-49 myń teńge shamasynda. Bul soma qosymsha tólemaqyny qosa eseptegende shyǵyp otyr, olardyń qoldaryna tıetin eńbekaqy odan da tómen», - dedi senator Narıman Tóreǵalıev Senattyń jalpy otyrysynda.

Osy oraıda ol  Mádenıet jáne sport mınıstriniń 2017 jylǵy shildedegi № 209 buıryǵyna sáıkes, ártister teatrda 3 jyl qyzmet atqarǵan soń, eń tómengi kategorııany alýǵa quqyǵy bar ekenin eske saldy. Al joǵary kategorııa alý úshin jas mamandar  birneshe jyldar eńbek etý kerek, osy ýaqyttar  ishinde olar jas mamandar qatarynan shyǵyp qalýda.

«Taǵy bir jaǵdaı baspana máselesi. Respýblıka boıynsha 1 538 jas ártisterimizdiń 3,7 paıyzy qyzmettik pátermen, 9,7 paıyzy jataqhanalarmen qamtylǵan, al 33,8 paıyzy ata-analarymen birge, qalǵan 42,5 paıyzy páterdi  jalǵa alýǵa májbúr.  «7-20-25» jáne «Nurly jer» baǵdarlamalaryna qatysý úshin nesıeni tóleýge múmkindik beretin jetkilikti jáne turaqty tabysynyń bolmaýy, turǵyn úı baǵdarlamalaryna qatysýǵa múmkindikteriniń joqtyǵy, turǵyn úıdi jalǵa alý múmkindikteriniń qarastyrylmaǵany kedergi bolýda. Atalǵan jaǵdaılar,  óz kezeginde teatrdaǵy jas mamandardy eshqandaı yntalandyrmaıtyny anyq, kerisinshe jas mamandardyń basqa salalarǵa ketýi baıqalýda», - dedi senator.

 

 

 

Avtor Rýslan Ǵabbasov
Basty sózder: Mádenıet, Senat,
Joǵary qaraı