Aýa raıy
Astana 4 °S
Almaty 7 °S
valıýta baǵamy
USD 389.98
EUR 434.01
RUB 6.10
CNY 55.04

Senat Tóraǵasy: Halyq erteń emes, tap búgin oń ózgerister kútip otyr

2019 jyldyń 22 sáýir 2019 16:11

NUR-SULTAN. QazAqparat - Halyq erteń emes, tap búgin oń ózgerister kútip otyr. Bul týraly búgin Senat depýtattarynyń ortalyq atqarýshy jáne jergilikti ókiletti organdardyń basshylarymen kezdesý barysynda Senat spıkeri Darıǵa Nazarbaeva aıtty, dep habarlaıdy QazAqparat tilshisi.

Onyń atap ótýinshe, depýtattardyń halyqpen kezdesýi barysynda turǵyn úı kommýnaldyq sharýashylyǵyn jańǵyrtý salasyna jıi syn aıtylady.

"Halyqtyń alańdaýy durys. Bul máseleni jergilikti bılik jáne ózin-ózi basqarý organdary baqylaýyna naqty alýy tıis. Ol úshin ne isteý qajet? Aýmaqtardy damytý basymdyqtaryn tańdaý jáne jergilikti bıýdjetti josparlaý men baqylaýda máslıhattardyń róli qandaı? Sheshim qabyldaý barysynda ákimdikter emes turǵyndar múddesin jetkizýshi máslıhattar sheshýshi daýysqa ıe bolýy úshin ne isteý kerek?", - dedi ol.

Osy rette Senat tóraǵasy aýyl, kent, aýyldyq okrýg, aýdandyq mańyzy bar qalalar deńgeıinde jergilikti ózin-ózi basqarýdy engizý úlken jetistik bolǵanyn aıtty.

"Endi osy eldi mekenderdiń turǵyndary óz aýylynyń ómirine belsene aralasyp, qarjyny qaıda jumsaýdy sheshedi, ózine-ózi qoja bolady dep sendik. Zańdy ázirleýshiler sony kózdedi. Shynynda da solaı boldy ma? Bári oıdaǵydaı ma? Ne kedergi? Jaǵdaıdy ózgertý úshin ne isteýimiz kerek? Biz óńirlik tekserý komıssııalarynda aýdıt jáne baqylaý fýnktsııalarynyń táýelsizdigi men tıimdiligin qamtamasyz etý týraly kópten beri aıtyp kelemiz. Osy organdardy qalaı jergilikti basqarý jumysynyń naqty quralyna aınaldyrýǵa bolady? Memlekettik basqarýdy kadrmen qamtamasyz etý keıbir jerlerde aýyr másele bolyp keledi. Bul máseleniń eki jaǵy bar. Biri maman daıyndaý, ekinshisi olardy materıaldyq jaǵynan qamtý. Kórip otyrsyzdar suraqtar kóp. Halyq erteń emes, tap búgin oń ózgerister kútip otyr. Biz soǵan saı bolýǵa mindettimiz", - dedi Darıǵa Nazarbaeva.

Joǵary qaraı