Awa rayı
Nur-Sultan 6 °S
Almatı 12 °S
valyuta bağamı
USD 378.01
EUR 420.88
RUB 5.84
CNY 54.64

Senat Törağası: Xalıq erteñ emes, tap bügіn oñ özgerіster kütіp otır

2019 jıldıñ 22 säwіr 2019 16:11 1127

NUR-SULTAN. QazAqparat - Xalıq erteñ emes, tap bügіn oñ özgerіster kütіp otır. Bul twralı bügіn Senat depwtattarınıñ ortalıq atqarwşı jäne jergіlіktі ökіlettі organdardıñ basşılarımen kezdesw barısında Senat spïkerі Darïğa Nazarbaeva ayttı, dep xabarlaydı QazAqparat tіlşіsі.

Onıñ atap ötwіnşe, depwtattardıñ xalıqpen kezdeswі barısında turğın üy kommwnaldıq şarwaşılığın jañğırtw salasına jïі sın aytıladı.

"Xalıqtıñ alañdawı durıs. Bul mäselenі  jergіlіktі bïlіk jäne özіn-özі basqarw organdarı baqılawına naqtı alwı tïіs. Ol üşіn ne іstew qajet? Awmaqtardı damıtw basımdıqtarın tañdaw jäne jergіlіktі byudjettі josparlaw men baqılawda mäslïxattardıñ rölі qanday? Şeşіm qabıldaw barısında äkіmdіkter emes turğındar müddesіn jetkіzwşі mäslïxattar şeşwşі dawısqa ïe bolwı üşіn ne іstew kerek?", - dedі ol.

Osı rette Senat törağası awıl, kent, awıldıq okrwg, awdandıq mañızı bar qalalar deñgeyіnde jergіlіktі özіn-özі basqarwdı engіzw ülken jetіstіk bolğanın ayttı.

"Endі osı eldі mekenderdіñ turğındarı öz awılınıñ ömіrіne belsene aralasıp, qarjını qayda jumsawdı şeşedі, özіne-özі qoja boladı dep sendіk. Zañdı äzіrlewşіler sonı közdedі. Şınında da solay boldı ma? Bärі oydağıday ma? Ne kedergі? Jağdaydı özgertw üşіn ne іstewіmіz kerek? Bіz öñіrlіk tekserw komïssïyalarında awdït jäne baqılaw fwnkcïyalarınıñ täwelsіzdіgі men tïіmdіlіgіn qamtamasız etw twralı köpten berі aytıp kelemіz. Osı organdardı qalay jergіlіktі basqarw jumısınıñ naqtı quralına aynaldırwğa boladı? Memlekettіk basqarwdı kadrmen qamtamasız etw keybіr jerlerde awır mäsele bolıp keledі. Bul mäselenіñ ekі jağı bar. Bіrі maman dayındaw, ekіnşіsі olardı materïaldıq jağınan qamtw. Körіp otırsızdar suraqtar köp. Xalıq erteñ emes, tap bügіn oñ özgerіster kütіp otır. Bіz soğan say bolwğa mіndettіmіz", - dedі Darïğa Nazarbaeva.

 

 

Joğarı qaray