Awa rayı
Nur-Sultan 7 °S
Almatı 12 °S
valyuta bağamı
USD 378.01
EUR 420.88
RUB 5.84
CNY 54.64

Senat Lomonosov atındağı MMW-dіñ Qazaqstandağı jumısına qatıstı qujattı qabıldadı

2019 jıldıñ 25 säwіr 2019 10:34 542

NUR-SULTAN. QazAqparat - Parlament Senatınıñ jalpı otırısında «QR Ükіmetі men RF Ükіmetі arasındağı M.V. Lomonosov atındağı Mäskew memlekettіk wnïversïtetіnіñ Qazaqstandıq fïlïalınıñ jumıs іstewі twralı kelіsіmdі ratïfïkacïyalaw twralı» Zañı qabıldandı, dep xabarlaydı QazAqparat tіlşіsі.

Ayta keteyіk, 2000 jılı QR Tuñğış Prezïdentі Nursultan Nazarbaev M.V. Lomonosov atındağı Mäskew memlekettіk wnïversïtetіnіñ Qazaqstandağı fïlïalın aşw jönіnde bastama köterdі. Sol jılı 9 qazanda RF Prezïdentі V. Pwtïnnіñ Qazaqstanğa saparı kezіnde fïlïaldıñ qurılwı twralı xattamağa qol qoyıldı. Fïlïal osı waqıtqa deyіn L.N. Gwmïlev atındağı Ewrazïya ulttıq wnïversïtetіnіñ bazasında qızmet etwde. Qazaqstandıq fïlaldıñ qızmetіn odan arı zañnamalıq turğıda bekіtw maqsatında 2017 jılğı 9 qaraşada Çelyabïnsk qalasında QR Ükіmetі men RF Ükіmetі arasında M.V. Lomonosov atındağı Mäskew memlekettіk wnïversïtetіnіñ qazaqstandıq fïlïalınıñ jumıs іstewі twralı kelіsіmge qol qoyıldı. Osı kelіsіm bіlіm ordasınıñ qızmetіn retteydі. Onda oqıtw Mäskew memlekettіk wnïversïtetіnіñ oqw bağdarlamaları negіzіnde jüzege asırıladı.

«Sonımen bіrge, kelіsіmde Qazaqstannıñ joğarı oqw orındarında közdelgen kölemde Qazaqstan tarïxı men qazaq tіlіn mіndettі türde oqıtw qarastırılğan. Budan basqa, oqw josparlarında Qazaqstan ekonomïkasınıñ erekşelіkterі eskerіlgen. Bіrіnşі jäne ekіnşі kwrstarda Qazaqstandı jañğırtwdıñ özektі mäselelerі twralı älewmettіk-gwmanïtarlıq pänder oqıtıladı» - dedі QR Bіlіm jäne ğılım mïnïstrі Küläş Şämşïdïnova.

Atap aytqanda, Qazaqstan fïlïaldıñ qızmetіne mülіktі ötewsіz berw jäne bіlіm granttarın bölw arqılı qatısadı. Fïlïal mülіktі eşkіmge bere almaydı, onıñ qızmetі ayaqtalğan jağdayda, mülіk Qazaqstanğa qaytarıladı. Jıl sayınğı qabıldaw josparı 125 stwdent, 40 magïstranttı quraydı. Bügіnde fïlïalda 605 stwdent bіlіm aladı. Mekeme derbes zañdı tulğa bolıp eseptelmeydі, sondıqtan Mäskew wnversïtetіnіñ lïcenzïyaları men akkredïtacïyası negіzіnde jumıs іsteydі.

«Osığan baylanıstı kelіsіmde fïlïaldıñ bіlіm berw jäne qarjı-şarwaşılıq qızmetіn baqılaw üşіn vedomstvolıq komïssïya közdelgen. Fïlïal qızmetі 3 jılda bіr ret tekserіledі, sonday-aq Qazaqstan zañnamasında belgіlengen özge de tekserwler ötkіzwge boladı», - dedі mïnïstr.

Budan basqa, kelіsіmnіñ 12-şі babı jäne xattama arqılı osı kelіsіmge özgerіster engіzw mümkіndіgі bar jäne bul özgerіster qujattıñ ajıramas bölіgі boladı.

Küläş Şämşïdïnovanıñ aytwınşa, oqwdı sättі ayaqtağan stwdentterge Mäskew memlekettіk wnïversïtetіnіñ dïplomı berіledі. 390 professor men oqıtwşınıñ 130-ı bas wnïversïtetten tartıladı. 14 jıl іşіnde 1 725 maman dayarlanıp şıqtı. Monïtorïng nätïjelerіne qarağanda, soñğı 5 jılda tülekterdіñ 93 payızı Qazaqstanda jumısqa ornalastı. Qazaqstan zañnamasına säykes, fïlïal tülekterіnіñ mіndettі türde jumıs ötew qajettіgі kelіsіmde bekіtіlgen.

 

 

Joğarı qaray